N. B. Yahyoxonov h. I. Allayorov

Kurs ishi mavzusining maqsadi va vazifalari. Kurs ishining asosiy maqsadi iqtisodiyotda chuqur tarkibiy o‘zgartirishlar va diversifikatsiyani amalga oshirishda ishlab chiqarish korxonalarida sotish faoliyatini tashkil etish, sotuv kanallari faoliyatini yo‘lga qo‘yish va optimal sotuv tizimini shakllantirishning ahamiyati va mohiyatini yoritib berishdan iborat. Bu maqsadlarni amalga oshirish quyidagi vazifalarni olg‘a suradi:

• 
  Iqtisodiyotda chuqur tarkibiy o‘zgartirishlar va diversifikatsiya sharoitida korxonalarning sotish siyosatini shakllanishini o‘rganish;
  
• 
  Mahsulot ishlab chiqarish va sotishda sotuv kanallarining o‘rnini aniqlash;
  
• 
  Sotuv kanallarining shakl va turlarining mazmunini o‘rganish;
  
• 
  Ishlab chiqarish korxonalarida optimal sotuv kanallarini shakllantirish yo‘llarini asoslab berish.
  

Kurs ishi mavzusining ilmiy va amaliy ahamiyati. Har qanday ishlab chiqarish korxonasi o‘z mahsulotlarini bozorda samarali sotilishini ta’minlashi kerak. Buning uchun korxona o‘z mahsulotlarini sotish uchun harajatlarni minimallashtirish, kerakli sotish joyini topishi, bozorni keng qamrab olishi uchun sotuv kanallarini shakllantiradi. Tanlangan sotuv kanali korxonaning pirovard maqsadi foyda olishga o‘z ta’sirini o‘tkazadi.
Kurs ishi mavzusining o‘rganilganlik darajasi. Sotuv kanallarini shakllantirish yo‘llari masalasiga xorijlik va mamlakatimiz olimlarining ilmiy ishlanishlarida katta e’tibor qaratilgan. Bu sohada xorijlik mualliflardan Kotler F., Lamben J.-J., Porter M., Ansoff I., Danenburg V., Monkrif R., Teylor V. Duglas L. kabilar asarlari shular jumlasidandir. MDH mamlakati olimlaridan Ye.V.Apexanova, O.V.Pambuxchiyans, L.P.Dashkov, P.Durovich, A.G.Aganbegyan, V.V.Agafonova, I.A.Gext, M.E.Dmitriyev, B.G.Ignatov, R.V.Shexovsov, C.B.Shishkin, L.I.Yakobson va boshqalar munosib hissa qo‘shganlar.
Mazkur mavzu tadqiqotiga mamlakatimiz olimlaridan M.Sh.Sharifxo‘jayev, A.Sh.Bekmurodov, B.Yu.Xodiyev, S.S.G‘ulomov, J.J.Jalolov, D.M.Muxiddinov, N.K.Yo‘ldoshev, A.Soliyev, A.A.Fattaxov, M.S.Qosimova, Sh.J.Ergashxadjayeva, R.G.Ibragimov va boshqa yetakchi olimlarning ilmiy ishlari bag‘ishlangan.