N. B. Dilmurodov

Quloq orti bezi – glandula parotis. 
Qoramollarda pastki jag‘ 
tarmoqchasining orqasida joylashadi. Pastki qismi qisqa katta chaynash muskuli 
bilan qoplangan, o‘rtaroqda esa bu bezning o‘zi jag‘ osti so‘lak bezini qoplaydi. 
Quloq tomonda u keng va qalin, quloq suprasi asosining oldirog‘ida yotadi. Quloq 
orti bezining konsistensiyasi qattiq, qizg‘ish rangda bo‘ladi. 
Uning tashqi yuzasi 
– facies externa
boshning teri osti muskuli bilan 
qoplangan. Bezning ichki yuzasi – 
facies interna
jag‘ osti so‘lak beziga, chaynash 
muskuliga, limfa tugunlariga tegib turadi. Bezning oldingi uchi – 
margo cranialis
biroz botiq, orqa tomoni – 
margo caudalis
qavariq bo‘ladi. Uning yuqorigi uchi – 
extermitas dorsalis
kengaygan va yumaloq, pastki uchi – 
extermitas ventralis
esa 
o‘tkirlashgan. Quloq orti bezining yo‘li – 
ductus parotideus
pastki jag‘ suyagi 
shoxchasining medial tomonida joylashadi va bu erdan u tomirlar o‘tadigan kesik 
orqali yuzasiga chiqadi, yuqoriga ko‘tarilib, lunjga, ya’ni 4-nchi oziq tishlar 
to‘g‘risida so‘lak bezi so‘rg‘ichi ko‘rinishida ochiladi.
Hayvonlardagi farq qiluvchi xususiyatlari. 
Otda – quloq orti so‘lak bezi 
quloq suprasi ostida joylashib, cho‘ziq to‘rtburchak shaklida pastga tushadi va 
havo xaltasini, til osti suyagini, umrov-til osti va umrov-jag‘ muskullarini, ko‘krak 
– jag‘ muskuli payini hamda shu erdan o‘tuvchi arteriya, vena, nervlarni yopib 
turadi; bezning oldingi va orqa burchaklari botiq. Cho‘chqada – bu bez pastki 
jag‘ning orqasida joylashadi va uchburchak shaklda bo‘ladi; yuqorigi uchi quloq 
suprasi asosigacha etib bormaydi; uning tashqi yuzasi yog‘ qatlami bilan 
qoplangan; ichki yuzasi chaynash va bo‘yin muskullarini qoplab turadi; yuqorigi 
qismining old va orqa tomonida quloq orti limfa tugunlari joylashadi. Itda – 
uchburchak shaklda; yuqorigi qismi quloq suprasi asosini qoplaydi; bezning yo‘li 
katta chaynash muskulidan ko‘ndalangiga o‘tadi va uchinchi oziq tish to‘g‘risida 
ochiladi.