N. B. D ilm u r o d o V, M. G. Karimov, Z. F. Norm uradova «hayvonlar morfologiyasi»

Yozuvchi muskullar.
Yelkaning uch boshli muskuli 
kurak va tirsak o'simtasi oralig'ini
egallaydi. Bu muskulning uchta boshi bo'ladi: a) uzun boshi eng
katta boshi bo'lib, kurakning orqa chetidan boshlanadi va tirsak
do'ngligiga birlashadi; b) yon boshi yelka suyagining yon yuzasidan
tirsak do'ngligigacha keladi; v) o'rta boshi yelka suyagining ichki
yuzasidan tirsak do'ngligigacha boradi. Vazifasi: tirsak bo'g'imini
yozadi. Itlarda bu muskulning yana qo'shimcha boshi bo'lib, u
yelka suyagi bo'ynidan boshlanadi va tirsak do'ngligida tugaydi.
Tirsakning kichik muskuli 
tirsak chuqurchasidan tirsak o'sim-
tasigacha boradi. Vazifasi: tirsak bo'g'imini yozadi.
Yelka oldi fassiyasini taranglovchi muskul 
kurakning orqa cheti-
dan va yelkaning keng muskuli aponevrozidan tirsak do'ngligi­
gacha boradi. Vazifasi: tirsak bo'g'imini yozadi va bilak-tirsak
fassiyasini taranglaydi.
♦ Bukuvchi muskullar.
Yelkaning ikki boshli muskuli 
kurak suyagi do'ngligidan
boshlanib, yelka suyagining bo'rtig'i orqali o'tadi va bilak suyagi­
ning yuqorigi notekis joyida tugaydi. Muskulning yon va o'rta
varaqchalari bo'lib, ularning ostida sinovial xaltacha bor. Vazifasi:
tirsak bo'g'imini bukadi.
Otlarda bu muskul yumaloq shaklda, boshidan oxirigacha ko'p
sonli pay tutamchalaridan iborat.
Yelkaning ichki muskuli 
yelka suyagining bo'ynidan boshlanib,
bilakning notekis joyigacha boradi. Vazifasi: tirsak bo'g'imini
bukadi. Ushbu muskul hamma qishloq xo'jalik hayvonlarida bir
xilda joylashgan bo'ladi.
♦ Bilaguzuk bo‘g‘imi va barmoq bo‘g‘imi muskullari
Bilaguzuk bo‘g‘imi muskullari
Yozuvchi muskullar.