Н. А. Самиғов, Ф. Д. Жўраева, Сайдуллаев А. Б

Конвертор усули.
Конвертор усулида пўлат олиш суюқланган чўянга 
сиқилган ҳаво пуркаб қўшилмаларни шлакка ўтказишдан иборат. Конвертор 
ноксимон шаклда бўлиб, ичига оловбардош материал қопланган пўлат 
идишдир (2-расм). Конверторга юборилган кислород билан бойитилган ҳаво 
таъсирида темирнинг чала оксиди FeO ҳосил бўлади. Кислород кремний, 
марганец, фосфор оксидлари билан реакцияга киришиб оксидлар ҳосил 
қилади. Бу оксидлар шлакка ўтади ёки куйиб кетади, FeO эса соф темиргача 
тикланади.
35.2-расм. Конвертор схемаси 
1-айланадиган ноксимон идиш; 2-футеровка; 3-ҳаво бериладиган фурм 
тешик; 4-буриш механизми. 

---

577 
ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
Бу усулда темир олиш жараёни 15-30 минут давом этади. Замонавий 
конвертор сиғими 600 тонна бўлади ва бу усулда пўлат олиш юқори унумли 
ва тежамлидир. Бу усулнинг камчилигига пўлат таркбига пуфакчалар кириб 
қолиши ҳисобланади. Конвертор пўлатидан профиллар, листлар, симлар 
тайёрланади ва қурилишда ишлатилади.
 
Мартен усули. 
Мартен усулида чўян темир рудаси ёки металлом 
(иккиламчи хомашё) билан бирга махсус печларда ёқилғи газ ва кислород 
аралашмасини пуркаб олинади. Бу жараён натижасида 4-8 соат давомида 
аввал темирнинг чала оксиди ҳосил бўлади ва соф темиргача тикланади. 
35.3-расм. Мартен печ схемаси 
1-таг; 2-гумбаз; 3-регенераторлар. 
Мартен печи ишчи камераси горизонтал бўлиб, 1000 тонна сиғимга эга 
бўлади. Печнинг ички қисми оловбардош ғишт билан қопланади (3-расм). 
Пўлатни бу усулда эритиш жараёнида феррохром, феррованадий ва 
бошқа турдаги қўшимчалар киритилиб легирланган пўлат олинади. Пўлат 
эритмаси ковш воситасида пўлат ва чўяндан тайёрланган махсус қолипларга 
(изложницлар) қуйилади. Мартен пўлати сифатли бўлиб, ундан қурилиш 
конструкциялари ва арматуралар тайёрланади.