Н. А. Самиғов, Ф. Д. Жўраева, Сайдуллаев А. Б

ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
қоришмасини ташиш, қолиплаш, айниқса парваришлаш ишларига алоҳида 
аҳамият бериш зарур. Автомобил йўллари, аэродром қопламалари ва шу каби 
юзаси катта темирбетон монолит конструкцияларни қуришда бетонни 
парваришлаш учун тўшалма материаллар (полиэтилен, полипропилен 
пленкаси ва ш.к.) ёки пленка ҳосил қилувчи полимерлар (этинол лаки, 
гелполимерлар) ишлатилади. 
Монолит бетонлаш қишки даврда бажарилганда бетон қоришмасини ва 
қотаётган бетонни музлашдан сақлаш асосий масаладир. Монолит бетонни 
музлашдан асрашнинг турли усуллари мавжуд. Бетонни иссиқлик изоляцияси 
материаллари билан вақтинчалик ўраб қўйиш, бетон қоришмаси таркибига 
сувнинг музлаш ҳароратини пасайтирувчи қўшимчалар (натрий хлорид, 
калций хлорид ва ш.к.) киритиш, “термос” усули шулар жумласидандир. 
Иссиқлик изоляцияси материаллари сифатида ярим бикр минерал плита, 
шишапахта матлари (тўшамалар), гидроизоляция қопламали арболит, 
кселолит плиталари, ғовак тўлдиргичлар ва ш.к. ишлатилади. Хусусий 
ҳолларда ишлатиладиган “термос” усулига биноан қуйилган бетон 
конструкцияга махсус эгилувчан материаллардан ясалган “кўйлак” 
кийдирилади ва қопламанинг оралиқ бўшлиғига қиздирилган буғ ёки ҳаво 
юбориб турилади. “Термос” усули серхаражат ва техник томондан амалга 
ошириш мураккаб бўлган усул ҳисобланади. 
16.9-расм. Тошкент шаҳрида монолит қурилган Банклар 
ассоциацияси биноси 

---

316 
ЎУМ 2020 йил “Қурилиш материаллари ва буюмлари” Н.А.Самиғов, Ф.Д.Жураева, Сайдуллаев А.Б. 
Ўзбекистонда, хусусан Тошкент шаҳрида кўплаб замонавий бинолар 
монолит бетонлаш усулида қурилмоқда. Интерконтинентал, Шератон 
меҳмонхоналари, Бизнес маркази, Банклар ассоциацияси административ 
бинолар қурилиши шулар жумласидандир (9-расм).