Muxtorova Sevinch G’aybulla qizi [phone] Badiiy asarlarda Vatan timsoli

Toshkent davlat o’zbek tili va adabiyoti
universiteti O’zbek filologiyasi fakulteti
1-kurs talabasi Muxtorova Sevinch G’aybulla qizi
[phone]
Badiiy asarlarda Vatan timsoli
Dunyo go'zalligin bilmaydi hech kim!.. Yana o'sha sokin qish kunlaridan biri... Xayollarga tolaman. Ota-onam mehriga ko'milib, issiqqina uyning derazasidan qarab yurtimiz tinchligiga, farovon hayotga shukrona keltiraman. Ba'zida o'ylab qolaman. Haqiqiy go'zallik nimada? Mening qalbim shunday javob beradi: "Senda hech nima bilan almashtirib bo'lmas qimmatbaho bir boylik bor, sening turfa go'zalliklar bilan tovlangan boyliging Vataningdir".
Yodimda... Sentabrning iliq oqshomi . Dadajonim bilan Qashqadaryo viloyatidan poytaxt tomon yo'l oldik. Qalbimda o’zgacha hayajon bilan universitet tomon oshiqib keldim. Mustaqil hayotimdagi ilk kun yaxshi o'tdi, ikkinchi kuni yuragimga hech narsa sig'madi, o'zimni hali u yoqqa, hali bu yoqqa ura boshladim. Bilasizmi, kichik Vatan hisoblanmish oila qadrini o’shanda his qilganman. 17 yashar qiz Toshkentga kelib Qashqadaryoni sog'insa , Vatanidan yiroq musofirlar qanday qilar ekan-a?
Inson yaratilibdiki, nomini mangulikka muhrlashga intiladi. Biroq tarix zarvaraqlarida nom qoldirish uchun istakning o'zi kamlik qiladi. Abadiyat ummoni adolat yo'lida, el-yurt manfaati yo'lida umrini fido qilganlarnigina o'z bag'riga oladi. . O’zbekiston xalq yozuvchisi , atoqli va ardoqli adib Maqsud Shayxzoda yurtimizning suyukli yozuvchisi hisoblanadi. Uning asarlari shu qadar ko’lamliki, o’qib hayratingiz oshadi. “Jaloliddin Manguberdi” tragediyasi o’tkir qalam sohibining sermahsul ijodidan bir mevadir. Bu tragediya mo’g’ul istilochilariga qarshi kurashgan xalq qahramoni , buyuk sarkarda Jaloliddinning fojiali , ammo qahramonona hayotini ko’rsatib beruvchi asardir.
Shu so’zlarni yozar ekanman, akademik yozuvchilarimiz Oybek va G’afur G’ulomning ushbu fikrlari xayolimga keldi: “Ko’pdan buyon uzun umrli , badiiy salmoqdor sahna asarlarini orzu qilar edik. “Jaloliddin” bu orzumizga javob berishga qodir” . Darhaqiqat , asarda Vatanga bo’lgan muhabbat yorqin bo’yoqlarda tasvirab berilgan. Uni o’qib yuragimizni ismsiz tuyg’ular egallab oladi. Asar buyuk sarkarda o’limi bilan tugasa-da, undagi optimistik ruh kishiga dalda beradi. Fojia so’ngida o’zini jarga tashlayotgan Jaloliddinning kelajakka ishonch, yaxshi kunlar umidi bilan yo’g’rilgan xitobi fikrimizning dalilidir:
“Ulug’vor niyatlarga kor qilmas ajal ,
Kim yurtdan yovni quvsa, mendirman o’shal”
“Vataning tinch - sen tinch” , - deydi buyuk bobolarimiz. Darhaqiqat, Vatan tinchligi yo’lida harakat qilgan har bir millat qahramonining nomi tarix zarvaraqlarida zarhal harflar bilan yozilishga haqlidir.
Men uzoq paytdan beri o'ylab kelayotgan fikrlarimni bayon qilish uchun imkon yaratgan taqdirdan va shu tanlov tashkilotchilaridan minnatdorman. Ayni damda: " Bu qiz tanlovda yutish uchun toza maqtab yozibdi", - degan fikr xayolingizdan o'tmasligini iltimos qilgan bo'lardim. Zero, yozayotgan tuyg'ularimning, yoza olmayotgan kechinmalarimning naqadar samimiy va chin dildan ekanligi yolg'iz Allohga hamda menga ayon. Buyuk bobolarimiz so'nggi damda ham jang maydonini tashlab ketmaganidek, men ham qo'limdagi qalam bilan oq maydon chegarasiga yetib borish uchun harakat qilaman. Aziz Vatanim, har kuni quyosh nurlaridan bahramand bo'lib uyg'onadigan tonglarim uchun, kelajakda yetuk dasturchi bo'lishni niyat qilgan ukamning orzulari uchun, jiyanlarimning shodon tabassumi uchun, barcha-barchasi uchun senga ta'zim qilaman!!!