Muvofiqlashtirish xududiy boshqarmasi urganch kopyuter texnologiyalari texnikumi

Ish haqi, stipendiya va boshqa to‘lovlarni berish uchun tarqatuvchilarga berilgan pullarni hisobga olish
DAFTARI ( 320-son shakl)

2. 
   4, 6, 8 va h.k.betlar
   

Sana	Muassasa nomi	Tarqatuvchiga g‘aznadan berildi
		familiya, ismi, otasining ismi	summa yozuvda	summa raqamda	Tarqatuvchining imzosi

3, 5, 7, 9 va h.k. betlar

Tarqatuvchi tomonidan g‘aznaga qaytarilgan naqd pullar va tasdiqlovchi hujjatlar
Naqd pullar	To‘lov hujjatlari	Hammasi		G‘aznachining imzosi	Tarqatuvchining imzosi, sana
summa raqamda	summa raqamda	Summa yozuvda	summa raqamda

Tarqatuvchilikka tayinlangan shaxslarning ro‘yxati

t/r	Muassasa nomi (bo‘linma)	Familiya, ismi, otasining ismi	Tayinlanganlik to‘g‘- risidagi buyruqning sanasi va raqami	Imzo namunasi

2. 
   G‘aznadan hisobdor shaxslarga pul berish bo‘yicha qaydnoma hisoboti
   

G‘aznadan bir necha hisoblar kishilarga pul berilishi zarur bo‘lgan hollarda individual tarzdagi g‘azna chiqim orderlari o‘rniga 317-son shakldagi g‘aznadan hisobdor shaxslarga pul berish bo‘yicha qaydnomadan (5-jadval) foydalaniladi. Shtatda g‘aznachilik lavozimi ko‘zda tutilmagan tashkilotlarda xodimlarga ish haqi to‘lash hamda mayda xo‘jalik xarajatlari tashkilot buyrug‘i bilan rasmiylashtirilgan hisobdor shaxslar orqali amalga oshiriladi. Bankdan naqd pul olish uchun cheklar ana shu shaxslar nomiga yoziladi.
Budjet tashkiloti g‘aznasida boshqa pul mablag‘lari bilan ishlashning sintetik va analitik hisobi
Budjet tashkilotida boshqa pul mablag‘lari 13 «Boshqa pul mab- lag‘lari» hisobvarag‘ida sintetik hisobi yuritiladi va pul mablag‘lari- ning umumiy ko‘rinishida balans moliyaviy hujjatida hisobi aks ettiriladi.
Bu hisobvaraqda akkreditivlar, yo‘ldagi pul mablag‘lari va tashkilotlarning boshqa pul mablag‘lari hisobga olinadi. Bu hisob- varaq quyidagi analitik hisobvaraqlarga bo‘linib hisobda aks ettiriladi:
«Akkreditivlar»;
«Yo‘ldagi pul mablag‘lari»;
«Pul ekvivalentlari».
«Akkreditivlar» analitik hisobvarag‘ida moddiy qimmat- liklar yetkazib berganliklari, shuningdek, ishlar, xizmatlar bajaril- ganligi uchun boshqa shaharlardagi mol yetkazib beruvchilar va boshqa tashkilotlar bilan o‘zaro tuzilgan shartnomalar asosida qo‘yilgan akkreditivlar summasi hisobga olinadi.
Akkreditivlar budjet mablag‘lari hisobidan ham, budjetdan tash- qari mablag‘lar hisobidan ham qo‘yilishi mumkin. Akkreditivlarni rasmiylashtirish va ularning amal qilish muddatlari qonunchilikka muvofiq tartibga solinadi.
Akkreditiv qo‘yilganda 130 «Akkreditivlar» analitik hisob- varag‘i debetlanadi hamda pul mablag‘larini hisobga oluvchi hisobvaraqlarning tegishli analitik hisobvaraqlar kreditlanadi. Foydalanilgan akkreditivlar summasi 150 «Mol yetkazib beruv- chilar va pudratchilar bilan hisob-kitoblar» va boshqa analitik hisobvaraqlarning tegishlisini debetiga hamda 130 «Akkreditivlar» analitik hisobvarag‘ining kreditiga yoziladi. Akkreditivlarning foydalanilmagan summalari pul mablag‘larini hisobga oluvchi hisobvaraqlarning tegishli analitik hisobvaraqlari debetiga hamda 130 «Akkreditivlar» analitik hisobvarag‘ining kreditiga yoziladi.
«Akkreditivlar» analitik hisobvarag‘i bo‘yicha analitik hisob qo‘yilgan har bir akkreditiv bo‘yicha 292-son shakldagi joriy hisoblar va hisob-kitoblar daftari (kartochkasi)da yuritiladi.
«Yo‘ldagi pul mablag‘lari» analitik hisobvarag‘ida saqlash joyidan chiqib ketgan, ammo mo‘ljallangan joyiga yetib bormagan pul mablag‘lari (inkassatorga berilgan tashkilotlarning naqd pul mablag‘lari, pul o‘tkazmalari va boshqalar) hisobga olinadi.
Ushbu analitik hisobvaraq tranzit analitik hisobvaraq hisob- lanadi va pul mablag‘larining harakati ustidan uzluksiz nazoratni o‘rnatish uchun bog‘lovchi vazifasini bajaradi.
Pulni inkassatorlarga topshirish, pul o‘tkazmalari va boshqa hollar 131 «Yo‘ldagi pul mablag‘lari» analitik hisobvaraqning debetida pul mablag‘larini hisobga oluvchi analitik hisobvaraqlar bilan bog‘langan holda aks ettiriladi. Pul mablag‘lari kirim qilin- gandan keyin 131 «Yo‘ldagi pul mablag‘lari» analitik hisobvarag‘i kreditlanib, pul mablag‘larini hisobga oluvchi analitik hisobvaraqlar debetlanadi.
Yo‘ldagi pul mablag‘larining analitik hisobi ularning turlari bo‘yicha yuritiladi.
«Pul ekvivalentlari» analitik hisobvarag‘ida dam olish uylari, sanatoriylar, turistik bazalar uchun berilgan puli to‘langan yo‘llanmalar, pochta orqali jo‘natilgan pullar uchun xabarnomalar,
pochta markalari, mehnat daftarchalari blanklari hamda ularga ilova qilingan varaqlar va boshqalar hisobga olinadi.
Bunday hujjatlarni g‘aznaga qabul qilish va g‘aznadan berish g‘azna orderlari bilan rasmiylashtiriladi. Bu muomalalarning hisobi pul mablag‘lari bo‘yicha muomalalardan alohida holda yuritiladi.
Pul ekvivalentlari sotib olinganda 132 «Pul ekvivalentlari» analitik hisobvarag‘ining debetiga va pul mablag‘lari yoki hisob- kitoblar analitik hisobvaraqlarining kreditiga yoziladi.
Pul ekvivalentlari hisobdor shaxslarga berilganda 172 «Hisobdor shaxslar bilan hisob-kitoblar» analitik hisobvarag‘ining debetiga va 132 «Pul ekvivalentlari» analitik hisobvarag‘ining kreditiga yoziladi.
Pul ekvivalentlarining (mehnat daftarchasi va boshqalarning) sotilishi tegishli pul mablag‘lari yoki hisob-kitoblar analitik hisob- varaqlarining debetida hamda 132 «Pul ekvivalentlari» analitik hisobvarag‘ining kreditida aks ettiriladi.
Pul ekvivalentlarining hisobdan chiqarilishi haqiqiy xarajatlarni hisobga oluvchi tegishli analitik hisobvaraqlarning debetida va
«Pul ekvivalentlari» analitik hisobvarag‘ining kreditida aks ettiriladi.
Analitik hisobi (mehnat daftarchalari blanklari va uning ilova- laridan tashqari) ularning turlariga qarab 292-son shakldagi joriy hisoblar va hisob-kitoblar daftari (kartochkasi)da yuritiladi. Mehnat daftarchalari va uning ilovalari hisobi 448-son shakldagi qat’yi hisobot blanklari bo‘yicha daftarda yurtiladi.