Mutaxassislik fanlarini o'qitish metodikasi

Tekshiruvchi 
suhbat 
ma’ruza va seminar mashg‘ulotlarida egallangan bilimlarning 
haqqoniyligi, hajmi va hayotiyligini aniqlashga yordam beradi. 
Chunki bunday suhbat o‘tganlarni qayta xotirda tiklash, takrorlash va 
sistemalash ko‘rinishiga amalga oshiriladi. Evristik suhbat metodi 
o‘quv ma’lumotini ijodiy, topqirlik yo‘li bilan qo‘llanilganligi sababli, 
u talabalar tafakkurida mo‘ljallangan. Bunda o‘qituvchi-talaba 
faoliyati uyg‘unligi asosida mantiqiy tafakkur rivojlantirilishiga 
erishiladi. Umuman, suhbat metodining mohiyati shundaki u: 
-
Talabalarning ijodiy, mantiqiy fikrlashini yo‘lga qo‘yadi; 
-
Talabalar faolligini oshirishga, xotira va nutqning rivojlanishiga 
yordam beradi; 
-
Talabalarning muayyan ko‘rinishdagi mustaqilliklari yo‘lga 
qo‘yiladi; 
-
Talabalarda ijodiy qobiliyat rivojlanib axloqiy va estetik 
dunyoqarashlari rivojlanadi. 

---

77 
Laboratoriya metodi.
Pedagogika fani mashg‘ulotlarida laboratoriya metodidan 
foydalaniladi. Bu metod asosan pedagogik hodisalarni tajriba qilishda 
qo‘llaniladi. Bu pedagog rahbarligida o‘tkaziladigan talabaning 
mustaqil faoliyati. Laboratoriya metodi og‘zaki bayon qilish 
metodlarining boshqa turlari ya’ni tushuntirish, mashq bajarish, ta’lim 
tarbiya usullarini amalda qo‘llash kabi pedagogik epizodlarda 
qo‘llaniladi. Masalan, kichik tarbiyachilik, o‘qituvchining dars o‘tish 
mahorati, maktabgacha yoshdagi bolalarni axloqiy malakalarini 
shakllantirish, bog‘chaga o‘yin mashg‘uloti kabi pedagogik 
voqealarni laboratoriya metodidan foydalanib o‘tkaziladi. Chunki, bu 
metod ta’lim oluvchi talabaga o‘qituvchi pedagog tomonidan oldindan 
rejalashtirilgan voqea bo‘yicha tajriba o‘tkazish tavsiya etiladi. Shu 
vaziyat yordamida nazariy ma’lumotlarni tajribada sinab, amaliy 
ko‘nikmaga ega bo‘linadi. Laboratoriya metodidan foydalanilganda, 
laboratoriya mashg‘uloti mavzusi, uning mazmuni, foydalanadigan 
adabiyotlar talabalarga oldindan tavsiya qilinadi, uni bajarish uchun 
ko‘rsatmalar beriladi.