Мутахассислик фанларнинг ўзига хосликлари

Когнитив ўқув мақсадлари соҳасида

Даражалар	Тавсия этиладиган феъллар
Билиш	Аниқлаш, номлаш, таърифлаш, ёзиш
Тушуниш	Фарқлаш, тушунтириш, ифодалаш, мисол келтириш
Қўллаш	Ишлатиш, танлаш, топиш, тайёрлаш, ечиш, ҳисоблаш
Таҳлил	Фарқлаш, таққослаш, қарама-қарши қўйиш, таҳлил қилиш
Синтез	Таснифлаш, тузиш, қуриш, яратиш, жамлаш
Баҳолаш	Қарор қилиш, баҳолаш, танқид қилиш, фикр билдириш

3. Мутахассислик фани ўқитувчисининг ўқув-методик хужжатлар.
Ўқитувчининг ўқув-услубий ҳужжатларига: ўқув режа, ишчи режа, ўқув дастур, ишчи дастур, силлабус ва ўқув- услубий мажмуалари киради.
Ўқув режаса: давлат ҳужжатидир. Ўқув режа барча таълим муассасаларида сўзсиз амал қилиниши лозим бўлган давлат ҳужжатидир.
Ўқув дастур- ўқув режаси асосида ҳар бир ўқув фани учун тузилади. Ўқув дастури ҳар бир ўқув фанини ўқитиш учун ажратилган билим ҳажми, тизими ва ғоявий-сиёсий йўналишини аниқлаб берадиган ҳужжатдир.
Силлабус (лотинча syllabus –каталог) ўқув фанининг қисқача тавсифи ва асосий жиҳатларини ўзида акс эттирувчи ўқув курси бўйича талаба учун махсус ишлаб чиқилган дастур. Силлабус ўқитувчи ва талабалар ўртасида алоқа воситаси сифатида хизмат қилади.
Силлабус талаба курсни ўзлаштиришнинг биринчи кунидан билиши зарур бўлган ўқув фанининг қисқача аннотацияси, уни ўрганишнинг мақсади, ўтиладиган мавзулар жадвали, муваффақиятли ўзлаштириш шарт-шароитларидан ташкил топади.