Mustaqil ta’lim “Boshlang’ich ta’lim pedagogikasi, innovatsiya va integratsiyasi” fanidan metodik ko‘rsatma

IV. Talaba mustaqil ishining axborot ta’minoti 
4.1. Talabalarga berilgan mustaqil ish topshiriqlarini bajarish bo‘yicha 
dastlabki ko‘rsatma va tavsiyalar qayd etiladi. 
4.2. Mustaqil ishni bajarish uchun magistrga axborot manbai sifatida darslik 
va o‘quv qo‘llanmalar, metodik qo‘llanmalar va ko‘rsatmalar, ma’lumotlar 
to‘plami, ilmiy va ommaviy davriy nashrlar, Internet tarmog‘idagi tegishli 
ma’lumotlar va boshqalar xizmat qiladi. 
4.3. Universitet axborot-resurs markazida magistrlarga mustaqil ishlarni o‘z 
vaqtida bajarish uchun komp’yuter texnikasi va internet tarmog‘idan samarali 
foydalanish uchun shart-sharoitlar yaratilib beriladi. 
V. Talabalar mustaqil ishini nazorat qilish va baholash 
5.1. Har bir fan bo‘yicha talaba mustaqil ishiga rahbarlik qilish professor-
o‘qituvchi shaxsiy ish rejasining tashkiliy-uslubiy bo‘limi (1540 soat doirasi)da 
qayd etiladi. 
5.2. Talaba mustaqil ishiga rahbarlik qilish kafedrada tuziladigan 
konsultatsiyalar jadvali asosida amalga oshiriladi. 
5.3. Talaba mustaqil ishini nazorat qilish o‘quv mashg‘ulotlarini bevosita olib 
boruvchi o‘qituvchi tomonidan amalga oshiriladi. 
5.4. Talabaning mustaqil ishi, muayyan fan ishchi dasturida ajratilgan 
soatlarga mos reyting ballari bilan baholanadi va natijasi fan bo‘yicha magistrning 
umumiy reytingiga kiritiladi. 
5.5. Mustaqil ishlarni baholash mezonlari talabalarga o‘quv yili (semestr) 
boshida e’lon qilinadi. 

---

27 
5.6. Talabaning mustaqil ishi kafedrada o‘quv yili mobaynida saqlanadi. 
VI. Mustaqil ish mavzulari bo‘yicha uslubiy ko‘rsatmalar 
 
1-mavzu: “Kadrlar tayyorlash milliy dasturi ” – Oliy va umumiy ta’lim 
maktablari amaliyotida.(2 soat) 
Uslubiy ko‘rsatma. 
O‘zbekiston Respublikasida Kadrlar tayyorlashning milliy modeli va uning 
asosiy tarkibiy qismlari; shaxs-kadrlar tayyorlash tizimining bosh sub’ekti, ta’lim 
sohasidagi xizmatlarning iste’molchisi va ularni amalga oshiruvchi; davlat va 
jamiyat—davlat va kadrlar tayyorlash tizimining faoliyatini tartibga solish va 
nazorat qilishni amalga oshiradi, hamda fuqarolarning o‘rta umumiy ta’lim, o‘rta 
maxsus, kasb-hunar ta’limi, oliy ta’lim, oliy ta’limdan keyingi ta’lim turlarini olish 
xuquqini kafolatlaydi; uzluksiz ta’lim va uning faoliyat ko‘rsatish prinsiplari 
ta’limning ustuvorligi, ta’limning demokratlashuvi, ta’limning ijtimoiylashuvi, 
ta’limning milliy yo‘naltirilganligi, ta’lim va tarbiyaning uzviy bog‘liqligi, xar 
tomonlama komil insonni shakllantirishga yo‘naltirilganligi, iqtidorli yoshlarni 
aniqlash; 
Uzluksiz ta’lim tizimi va turlari maktabgacha ta’lim, umumiy ta’lim, 
umumiy o‘rta ta’lim, o‘rta maxsus, kasb-hunar ta’limi, oliy ta’lim, oliy ta’limdan 
keyingi ta’lim, kadrlar malakasini oshirish va ularni qayta tayyorlash, maktabdan 
tashqari ta’lim; fan—tabiat va jamiyat taraqqiyoti haqidagi yangi fundamental va 
tadqiqiy bilimlarni shakllantirish, yuqori malakali ilmiy va pedagogik kadrlar 
tayyorlash sohasi sifatida; ishlab chiqarish — kadrlarga bo‘lgan ehtiyojni, 
shuningdek, ularning tayyorgarlik sifati va saviyasiga nisbatan qo‘yiladigan 
talablarni belgilovchi asosiy buyurtmachi, kadrlar tayyorlash tizimini moliya va 
moddiy-texnika jihatdan ta’minlash jarayonining qatnashchisi. 
Pedagoglik (o‘qituvchi-muallim, tarbiyachi-murabbiy) kasbi. Pedagoglik 
kasbining paydo bo‘lishi va ravnaq topishi. Sharq mutafakkirlari (Al-Xorazmiy, 
Abu Nasr Forobiy, Abu Rayxon Beruniy, Abu Ali Ibn Sino, Alisher Navoiy va 
boshqalar) va g‘arb pedagoglari jamiyatda pedagoglik kasbining to‘tgan qrni 
haqida. o‘qituvchi-bakalavrning asosiy vazifalari, burch va mas’uliyatlari. 
Kadrlar tayyorlash milliy dasturi asosida bakalavr o‘qituvchining asosiy 
xizmat vazifalari va uning shaxsiga qo‘yilgan talablar. O‘qituvchi- murabbiyning 
o‘ziga xos fazilatlari ilmiy dunyoqarashi va insonparvarligi. Uning ijtimoiy-
pedagogik nuqtai nazari, barkamol avlod tarbiyasi uchun o‘qituvchi-murabbiyning 
jamiyat oldidagi mas’uliyati, uning kasbiy bilimlari va ko‘nikmalari. Pedagog 
iste’dodi va qobiliyati. o‘qituvchi-murabbiyning pedagoglik ahloq-odobi va 
nazokati, uning o‘quvchilar, ota-onalar va xamkasblari bilan muloqoti. 
Pedagogik mahoratni egallash yo‘llari. Abu Nasr Forobiy, Abu Rayxon 
Beruniy, Abu Ali Ibn Sino, Alisher Navoiy, Yan Amos Komenskiy, Lev Tolstoy, 
Xamza Hakimzoda Niyoziy, Abdulla Avloniy kabi buyuk mutafakkirlarning ilmiy 
salohiyati va pedagogik madaniyati. Ularning pedagogika fani va maorif rivojiga 

---

28 
qo‘shgan xissasi. hozirgi sharoitda o‘qituvchi-murabbiy shaxsiga ko‘yilgan 
talablarning ortib borishi. O‘zbekiston Respublikasi xalk o‘qituvchisi-pedagogik 
maxorat ustasi.