Mustaqil ishi tekshirdi : safarov r. Bajardi: jumanova m

Xulosa.


II. Asosiy qism
1. Marketing faoliyatida avtomatlashtirilgan axborot tizimlari va texnologiyalari
Marketing faoliyatining axborot va kommunikatsion ta’minlanishi.
Har bir korxonaning marketing tizimida axborot asosiy ahamiyatga ega, chunki uning faoliyati mahsulotlar ishlab chiqarish bozorida vujudga kelgan aniq vaziyatni bilishga asoslanadi. Ko‘pgina marketing tadqiqotlari va tadbirlarining maqsadi axborotlarga årishishga qaratilgandir (masalan, mahsulotlar raqobat muhitini o‘rganish, sotish bozorlarini tadqiqot qilish, iste’molchilarning mahsulot xususiyatlariga qo‘yadigan talablarini hisobga olish). Bu tadbirlarning bajarilishi marketing faoliyatining obyekti haqidagi dastlabki bilimlarni talab qiladi. Amalga oshirish jarayonining o‘zi åsa joriy ta’sirlarga tuzatishlar kiritish va bo‘lg‘usi marketing dasturlarini ishlab chiqish maqsadlarida obyekt bilan teskari aloqani o‘rnatish uchun zarur bo‘lgan yangi ma’lumotlarni yaratadi. Mahsulotni sotish bozori tomon harakatlantirishni tashkil qilish vazifasi, bu yerda misol bo‘lib xizmat qilishi mumkin. Uni yechishdan oldin mahsulotning taklif qilinayotgan turiga nisbatan talabni sinchiklab o‘rganish, iste’molchilarning xarid qilish qobiliyatlarini baholash, raqobatdagi firmalarning bozordagi faoliyatini tahlil qilish kerak. Mahsulotni harakatlantirish bo‘yicha ayrim tadbirlarning samaradorligini tahlil qilish, bozor ulushini ko‘payishi yoki kamayishiga nisbatan tegishli xulosalar chiqarish kerak bo‘ladi.
Zarur marketing axborotlarining yo‘qligi, noaniq va muhim bo‘lmagan ma’lumotlardan foydalanish jiddiy iqtisodiy xatolarning sababi bo‘lishi mumkin. Marketing axborotlaridan foydalanishdan maqsad boshqaruv qarorlarini qabul qilish jarayonida noaniqliklar darajasini kamaytirishdan iboratdir. Bu esa o‘z o‘rnida turli-tuman axborotlarning katta hajmini yig‘ish, saqlash, uzatish va ishlab chiqishni talab qiladi. Shuning uchun marketing faoliyatiga obyektiv mavjud bo‘lgan va doimo faoliyat yurituvchi axborot jarayonining bir qismi sifatida qarash kerak. Axborotlarga asoslanib va yangi axborot ehtiyojlarini yaratib, zamonaviy marketing axborot texnologiyalaridan
foydalanmasdan, rivojlangan axborot bazasi va kommunikatsiya tizimlarini yaratmasdan samarali marketing faoliyatini yuritish mumkin emas.