Mustaqil ish mavzu : Corel Draw grafik muxarriri, interfeysi

Rang modellari.
Asosiy oynaning oʻng qismida vertikal yoʻnalishda palitra joylashgan boʻlib, kvadrat shaklidagi figuralar toʻplamidan tashkil topgan. Bu, oʻz navbatida, ranglar kamalagi minimumini saqlash va ulardan oʻz joyida foydalanish imkoniyatini beradi. Palitradagi barcha ranglarni koʻrish uchun palitra panelining quyi qismida joylashgan kichik uchburchak belgisini tanlash lozim.
Konturni koʻrish uchun unga atroflama chiziq yoki rang berish muhim hisoblanadi. Chiziq ham, rang toʻldirish ham oʻziga xos xususiyatlarga ega (uzluksiz, maxsus). Natijada shakli bir xil boʻlgan konturlar ham bu amallar oqibatida har xil koʻrinishga keladilar. CorelDrawda qoʻllanuvchi rang modellari turlicha boʻlib, ularga RGB, CMYK, Lab, HSB modellarini misol sifatida keltiramiz. Foydalanuvchi «Однородная заливка» bandidan kerakli modellarni tanlab oladi, komponentlarini oʻzgartirib, toʻldirishlarni yoʻlga qoʻyadi.
RGB modeli kompyuter dizayni uchun asosiy modellardan biri hisoblanadi. Uning asosiy ranglari: Red – qizil, Green – yashil, Blue – koʻk. RGB modelida qolgan ranglar bu uch ranglarning proporsiyasi sifatida tanlanadi. Ikki rangni qoʻshilishi tiniqroq rang hosil qiladi va bu ranglar additiv ranglar deb yuritiladi.
CMYK modeli subtraktiv ranglarni ta’minlaydi, u bosmoxonada kengroq qoʻllaniladi. Uning asosiy ranglari: Cyan – yashil, Magenta – qizgʻish, Yellow – sariq, blacK – qora (yoki Key – kalit). Bu model ranglari bilan boʻyalgan rasm, RGB modeliga nisbatan koʻproq joy egallaydi.
Rang modellari ichida Lab rang modeli mavjud boʻlib, u oʻzida Luminance (yoki hightness) komponenti va ikkita xromatik komponentlar: “a” (qizilga yashil) va “b” (sariqqa koʻk).
HSB rang modeli quyidagi komponentlarni qoʻllovchi ranglarni ifodalaydi: rang (H) toʻyinganlik (S) ravshanlik (B). Rang (H) pigment rangini ifodalaydi va graduslarda 0 dan 359 gacha oʻlchanadi (masalan, 0 gradusda – qizil, 60 gradusda – sariq, 120 gradusda – yashil, 180 gradusda – cyan, 240 gradusda – koʻk, va 300 gradusda – fuksin ifodalanadi). Toʻyinganlik (S) rangning ravshanligi yoki oʻtmasligini ifodalaydi va foizlarda 0 dan 100 gacha oʻlchanadi (qancha foiz yuqori boʻlsa, rang shuncha tabiiylashadi). Ravshanlik, yorqinlik (B) umumiy oq rangni ifodalaydi va foizlarda 0 dan 100 gacha oʻlchanadi (qancha foiz yuqori boʻlsa, rang shuncha yorqinlashadi).