Мустақил таълим учун топшириқлар Банк фаолияти нима ва иқтисодиётда унинг ахамияти қандай?

2. Банк хуқуқининг мустақил хуқуқ тармоғи сифатида вужудга келиш ва ривожланишининг иқтисодий-ижтимоий асосларини айтиб беринг.
Ж: банк хуқуқи – молия хуқуқининг таркибий қисми бўлиб, ўз ичига оммавий – хуқуқий ва хусусий – хуқуқий характерга эга бўлган меъёрлар жамланмасини олади ва у банк фаолиятини амалга оширишда юзага келадиган муносабатларни тартибга солишга йўналтирилган. Ўзбекистон Республикасининг 1992-1994 йилларда бозор иқтисодиётига тез суратларда ўтиши гиперинфлясия шароитида амалга оширилган. Нархлар либерализацияси натижасида, кўп йиллар давомида тўпланиб келган пул массаси муомаладан чиқарилган эди. Айнан шу даврда, хозирги кунда иқтисодиётнинг энг ривожланган тармоқларидан бири бўлган Ўзбекистон банк тизимини шаклланиши юз берди. Миллий валютанинг эркин сузувчи алмашув курсини жорий қилиш, Ўзбекистонга миллий валютани реал қийматида қайта бахолашга барҳам бериш ва иқтисодий ўсишни таъминлашга имкон берди. Хозирги кунда банкларни қўшилиши, кредит ташкилотларга (шерикчилигига) бирлашиши йўли билан иҳтиёрий қайта ташкил этилиши, яъни Ўбекистон банк тизимининг капитализация жараёни такомиллашиб борди.
3. Банк хуқуқи фан соҳаси ва қонунчилик тармоғининг предмети нимадан иборат?
Ж: Банк хуқуқининг предмети – банк тизимини шакллантириш, фаолиятини юритиш ва уни ривожлантириш жараёнида юзага келувчи оммавий иқтисодий муносабатлар ҳисобланади. Ўзбекистон Республикаси Марказий банки, тижорат банклари ва кредит ташкилотлари томонидан банк фаолиятини амалга ошириш жараёнида, аҳоли, ташкилотлар ва давлат манфаатлари учун давлат органлари томонидан банк тизимини фаолияти назорат қилинганда вужудга келувчи оммавий ҳуқуқий муносабатларни ҳам банк ҳуқуқининг предмети ҳисобланади. Банк қонунчилигининг ҳақиқий ижобий имкониятлари муаммони ҳал қилиш, сифат ва миқдорий талабларни мувофиқлаштириш учун белгиланади.
4. Банк хуқуқи предметининг ўзига хос хусусиятлари нималардан иборат?
Ж: Банк хуқуқи тизими ва банк қонунчилиги тизими ўзаро фарқланмоғи лозим. Банк хуқуқи – хуқуқ сохаларидан бири бўлиб, унинг асосий мақсади банк сохасидаги ижтимоий муносабатларни ўрганиш, тадқиқ қилиш ва шу асосда хуқуқий тартибга солиш самарадорлигини ошириш, назарий хулосаларга таянган холда мавжуд муаммоларни ҳал этиш йўлларини ахтариб топишдан иборат. Банк хуқуқи сохасининг асосий вазифаларидан бири - банк сохасидаги малакали хамда замонавий билимларга эга бўлган мутахассис кадрларни тайёрлаш, уларга назарий ва амалий кўникмалар беришдан иборат.