Мустақил иш мавзу: уй-жой фондини бошқариш тизимида инновацион ёндашувлар

ЎЗБЕКИСТОН РЕСПУБЛИКАСИ ҚУРИЛИШ ВАЗИРЛИГИ


ТОШКЕНТ АРХИТЕКТУРА-ҚУРИЛИШ ИНСТИТУТИ


“ҚУРИЛИШДА МЕНЕЖМЕНТ” КАФЕДРАСИ

“УЙ-ЖОЙ ФОНДИНИ БОШҚАРИШ” фанидан

МУСТАҚИЛ ИШ


МАВЗУ: УЙ-ЖОЙ ФОНДИНИ БОШҚАРИШ ТИЗИМИДА ИННОВАЦИОН ЁНДАШУВЛАР
Тайёрлади:_______________
Қабул қилди:_______________
ТОШКЕНТ – 2020
Режа:

1. 
   Инновация тушунчаси ва унинг моҳияти.
   
2. 
   Уй-жой фондини бошқариш тизимида инновацион бошқарув.
   
3. 
   “Ақлли уй” концепцияси.
   

Хулоса.
Фойдаланилган адабиётлар.


1. Инновация тушунчаси ва унинг моҳияти

Халқимиз дунёқарашида инновация муҳитини яратиш – энг муҳим вазифамиз.

Шавкат Мирзиёев

Тошкентдаги Талабалар шаҳарчасида Инновацияларни татбиқ этиш илмий-амалий маркази барпо этилиши ҳақида эълон қилган Президентимиз Шавкат Мирзиёев "Халқимиз дунёқарашида инновация муҳитини яратиш энг муҳим вазифамиздир. Инновация бўлмас экан, ҳеч бир соҳада рақобат, ривожланиш бўлмайди. Бу соҳадаги ўзгаришларни халқимизга кенг тарғиб қилмасак, одамларда кўникма пайдо қилмасак, бугунги давр шиддати, фан-техниканинг мислсиз ютуқлари билан ҳамқадам бўлолмаймиз", деган эдилар¹.

Президент Шавкат Мирзиёев ташаббуси билан Ўзбекистонда етакчи соҳа ва тармоқларни инновацион ривожлантириш, инновацион ғоялар ва технологияларни ишлаб чиқаришга кенг жорий этиш юзасидан изчил ишлар амалга оширилмоқда.
Ўзбекистон Республикаси Президентининг 2017 йил 29 ноябрдаги «Ўзбекистон Республикаси Инновацион ривожланиш вазирлигини ташкил этиш тўғрисида»ги ПФ-5264-сонли Фармони бу борадаги ишларни янги босқичга кўтаришга хизмат қилади. Хусусан, мазкур фармонда Инновацион ривожланиш вазирлигининг асосий вазифаларидан бири сифатида қуйидагилар белгиланди: “Хавфсиз шаҳар”, “Ақлли шаҳар” концепцияларини жорий этишни, соғлом турмуш тарзини оммалаштириш учун зарур шароитларни таъминлайдиган маданий, спорт ва бошқа объектларни ташкил қилишни ҳам назарда тутувчи илғор стандартларни ҳисобга олган ҳолда, шаҳарсозликнинг фақат бош режалар, режалаштириш ва қурилиш лойиҳаларига мувофиқ изчил ривожланишини таъминлашга кўмаклашиш².