Мустақил иш Мавзу: муваффақиятли юрист карьерасини

Мақсадни шакллантиришда“SMARTER” технологиясининг қўлланилиши

E – (ethical – “ахлоқий”)	Олдинга қўйилган ҳар қандай мақсад одоб-ахлоқ, диний ҳамда бошқа бунёдкорлик ғояларига мувофиқ бўлиши керак.
R – (reasonable – “оқилона”)	Олдинга қўйилган мақсад оқилона бўлиши, бошқа шахсларга ҳам фойдаси тегиши кераклигини, ўз имкониятларини тўғри баҳолашни ҳам четда қолдирмаслик лозим. Энг муҳими, бу мезон билан шахс ўз олдига қўйган мақсади томон қатъий ирода ва виждон билан (ўз иродасини ишга солган ҳолда) ҳаракатланишини англатади.

Мақсадларни шакллантиришда “SMART” ва “SMARTER” технологияларидан фойдаланиш уларни муваффақият билан амалга ошириш имконини яратиб беради.

Мақсадларга эришиш учун ўзгаларнинг тажрибасидан фойдаланиш, бундай ишларни аллақачон бажарган одамлар ҳақидаги маълумотларни турли манбалардан, мисол учун, жаҳон Интернет тармоғидан топиш ва уларнинг тажрибалари билан ўртоқлашиш келгусида дуч келиш мумкин бўлган муаммоларни бартараф этишга хизмат қилади.
Кейинги қилиниши зарур бўлган вазифалардан бири – яхши режа тузишдир!
Маслаҳатлардан фойдаланган ҳолда самарали режа тузиш ҳеч нарсадан қўрқмасдан, ирода ва қатьият кучи билан олға интилишга ёрдам беради. Мазкур жараён давомида, инсон ўз онгининг “қўрқоқ” қисми билан курашган ҳолда аниқ режалар орқали мақсадга эришиш йўлларини ишлаб чиқиши зарур. Агар дастлабки режани ўзгартиришга ҳаракат қилсангиз, унда ноқулай ҳолатлар умуман бўлмаслигига уринсангиз сизда қийинчиликлардан қочиш ҳисси ғолиб бўлишга ҳаракат қилади. Режангиз дастлабкисидан узоқлашгани сайин мақсадга эришиш имконияти камаяди.
Яна бир муҳим қоида – катта мақсадларни қисмларга ажратишдир!
Ҳар қандай катта мақсадни, уни қисмларга ажратиш орқали, мураккаблик даражасини камайтириш мумкин. Агар мақсадлар кичик режаларга бўлинмас экан, мақсад – тирмашиб чиқиш имконсиз бўлган тоғдек кўринади.
Масалан, кўчмас мулк харид қилиш бир қарашда амалга ошириш имконсиз истакдек кўринади, зеро у жуда катта маблағни талаб этади. Бироқ мақсадни босқичларга бўлиб, унга томон мунтазам қадамлар билан ҳаракат қилинса, унга эришиш осонлашади. Дастлаб ойига муайян маблағни ишлаб топиш мақсадини қўйиш мумкин. Сўнгра мазкур маблағнинг ўн фоизи, кейинроқ 20 фоизини банк омонатига қўйиш режаларини тузиш ва мунтазам амалга оширишдек бир неча йиллик интилиш ўз натижасини бермай қўймайди.