Musaffo havosini,tabarruk tuprog’ining isini,beqiyos ekinzorlarining go’zalligini, bolaligim o’tgan go’zal

Musaffo havosini ,tabarruk tuprog’ining isini ,beqiyos ekinzorlarining go’zalligini, bolaligim o’tgan go’zal
Vodiylar manzarasi dilkash xalqimning nafasini,ota-onamning mehrini tuydim . Kindik qonim to’kilgan Vatan mening beshigim ,sog’inchim va tuganmas armonimdir (hazin ohangda ruboiy o’qiydi)
Tole yoqu jonimga baloliq bo’ldi
Har ishniki ayladim xatoliq bo’ldi
O’z yerni qo’yib hind sori yuzlandim
Yorab netayin ne yuz qaroliq bo’ldi
1-Boshlovchi:-Xalqim ,buyuk og’ling, buyuk shoh og’ling,
Boburing qalbida bir armon qoldi
Nolasi kuydirar toabad bag’ring
Anda jon qoldiku anda jon qoldi
2-Boshlovchi:- Z.M Bobur turk va fors tillarida samarali ijod qilgan,buyuk iste’dod egasi edi.
U ruboiy,tuyuq,qit’a,masnaviy,fard kabi janrlarda go’zal asarlar yaratdi .Ularni to’plab ikki- “Hindiston devoni “ va Kobul devoni “ni tuzdi. Ammo “Kobul Devoni “hozirgacha topilgan emas .
1-Boshlovchi:-Bobur chuqur falsafiy ma’noga ega ruboiylari bilan adabiyotimizda alohida o’rin egallaydi.Ichki kechinmalar ,goho shodlik,goho g’amgin kayfiyatlarning to’rt misrada mukammal ifodalanishi uning o’tkir ruboiy shu shoir ekanligidan dalolat beradi.
1-o’quvchi: Marjona 6”A”
Har kimki vafo qilsa vafo topqusidir,
Har kimki jafo qilsa,jafo topqusidir.
Yaxshi kishi yomonlik ko’rmagay har giz,
Har kimki yomon bo’lsa,jazo topqusidir.
2-o’quvchi: Mayram 6”A”
Ko’pdin berikim,yor-u diyorum yoqdur
Bir lahzayu bir nafas qarorim yoqdur
Keldim bu sori o’z ixtiyorim birla
Lekin borurimda ixtiyorim yoqtur
3-o’quvchi:Nozanin 8”A”
Kim yor anga ilm tolibi ilm kerak
O’rgangali ilm tolibi ilm kerak
Men tolibi ilm tolibi ilme yoq
Men bormen ilm tolibi,ilm kerak
Baraka 8 ‘’A’’ “Qoldimu?!”
Charxning men ko’rmagan jabru jafosi qoldimu
Xasta ko’nglum chekmagandardu balosi qoldimu
Meni xor ettiyu qildi muddaini parvarish
Dahri dunparvarning o’zga muddaosi qoldimu
Meni o’lturdi jafou javr birla ul quyosh
Emdi turguzmak uchun mehru vafosi qoldimu
Oshiq o’lgach ko’rdum o’lumni o’zumga ,ey rafiq
O’zga ko’ngumni bu olamda harosi qoldimu
Ey ko’ngul , gar Bobur ul olamni istar ,qilma ayb
Tangri uchun de bu olamning safosi qoldimu
2-Boshlovchi:- Buyuk shoir Z.M.Bobur she’riyati o’zining nodir va badiiy qimmati bilan ham adabiyotimizda katta o’rin egallagan .“Boburnoma’’ esa bebaho tarixiy badiiy asar sifatida dunyo miqyosida tan olingan.
1-Boshlovchi:-Sevimli adibimiz Pirimqul Qodirovning “Yulduzli tunlar ”,yoxud, “Bobur”,”Avlodlar devoni”, “Humoyun va Akbar” kabi tarixiy romanlari biz sevgan shoir Bobur qudratli saltanat vakillar-Boburiylar sulolasi haqida keng ko’lamga ega tarixiy ma’lumotlarni bera oladi .Bu asarlarni o’qir ekanmiz ,buyuk shoirimizga mehrimiz yanada oshadi .
2-Boshlovchi:- Hurmatli ustozlar va qadrli ota-onalar ,shuning bilan shoh va shoir Bobur tavalludiga bag’ishlangan bugungi kechamiz o’z nihoyasiga yetdi. Xayr salomat bo’ling!