Reja: Muruntov karyeri haqida ma’lumot Muruntov karyeri rivojlanish ta’rixi Muruntov karyeri ishlab chiqarish jarayonlari
Muruntov karyeri haqida ma’lumot
“Muruntov” koni - Markaziy Qizilqumda, Navoiy shahridan 180 km shimolda, Zarafshon shahridan 40 km sharqda, Tomditovning janubiy etagida joylashgan. Dunyodagi eng yirik kon hisoblanadi. Kon oltin zaxirasi bo‘yicha XX asr moʻjizasi sifatida tan olingan.
Bugungi kunda “Muruntov” koni zaxirasi 1 mlrd 575 mln 346 ming tonna maʼdanni tashkil etadi.
Hozirgi vaqtda konda mavjud konveyer liniyalarining umumiy uzunligi 6 811 metrni tashkil etadi.
Hozirgi vaqtda konda mavjud konveyer liniyalarining umumiy uzunligi 6 811 metrni tashkil etadi.
Bugungi kunda konining uzunligi 4,3 kilometr, kengligi 3,2 kilometr, chuqurligi 650 metrni tashkil etadi.
Kondan yiliga o‘rtacha 42 million tonnadan ortiq maʼdan qazib olinmoqda.
Hozirda konda 2,6 ming nafardan ortiq ishchi-xodimlar ishlab kelmoqda.
“Muruntov” koni geologlar tomonidan eng yirik oltin zaxirasiga ega kon sifatida eʼtirof etilib, uning zaxirasi 4,5 ming tonnadan ortiq baholangan.
Yaqin vaqtda “Muruntov” koni tarkibida “Chuqurquduq”, “Bessopantov”, “Balpantov” va “Tomdibuloq” kabi yangi konlarni o‘zlashtirish va foydalanishga topshirish rejlashtirilgan. “Muruntov” koni 2020 yilda xalqaro “Kitco” tahliliy markazi sarhisobiga ko‘ra, oltin qazib olish bo‘yicha jahonda birinchi o‘rinni qo‘lga kiritgani va konda shu yili 56,7 tonna oltin qazib olingani xalqaro miqyosidagi eʼtirofidir. Nufuzli “Forbes” nashri O‘zbekistonda maydoni bo‘yicha dunyodagi eng yirik ochiq oltin koni – “Muruntov” koni joylashganligi hamda ushbu kon dunyodagi eng yirik oltin zaxirasiga ega bo‘lishi mumkinligini qayd etdi. • Geologik tadqiqotlar natijasida o‘tgan asrning birinchi yarim yilligida hozirgi “Muruntov” koni joylashgan hududda ulkan oltin zahirasi mavjudligi bashorat qilingan. Keyinchalik mashhur o‘zbek geologi Ibrohim Hamroboyev boshchiligida olib borilgan qidiruv ishlarida bu haqiqat ekanligi o‘z tasdig‘ini topgan. 1965 yilda konni o‘zlashtirishga tamal toshi qo‘yilib, 1967 yil 1 martida birinchi portlatish amalga oshirilgan.
• 1969 yil 21 iyulda tarixiy voqea – 2-gidrometallurgiya zavodida birinchi marta “Muruntov” konidan qazib olingan maʼdandan 11 kilogramm 820 grammlik sof oltin yombisi olindi.
1975 yilda ushbu konda 100 mln kubmetr tog‘ jinsi qazib olingan bo‘lsa, 2001 yilga kelib bu ko‘rsatkich 1 mlrd kubmetrga yetdi.
1975 yilda ushbu konda 100 mln kubmetr tog‘ jinsi qazib olingan bo‘lsa, 2001 yilga kelib bu ko‘rsatkich 1 mlrd kubmetrga yetdi.
Konning murakkab geologik tuzilishi zaxiralarni hisobga olish va boshqarish usullarini doimiy takomillashtirishni va o‘sha paytdagi zaxiralarni baholashning noanʼanaviy usullarini qo‘llashni talab qildi.
1992 yildan boshlab bu usullardan biri bo‘yicha ish boshlandi. Bu zaxiralarni matematik statistika asosida hisoblash edi. Konning geologik-matematik modelini yaratish uchun ilk qadam qo‘yildi va bu 1998 yilda katta muvaffaqiyat bilan yakunlandi. Shunday qilib, 1998 yildan boshlab, ilk marotaba konchilik ishlarini rejalashtirish konning geologik-matematik modeli yordamida boshlandi.
1998 yildan buyon konda tog‘-kon ishlari GPS sunʼiy yo‘ldosh aloqa orqali avtomatik tizimda boshqarilib kelinmoqda.
1998 yildan buyon konda tog‘-kon ishlari GPS sunʼiy yo‘ldosh aloqa orqali avtomatik tizimda boshqarilib kelinmoqda.
2010 yilda kombinat mutaxassislarining yuksak salohiyati bilan jahonda yagona va noyob bo‘lgan yiliga 14 mln tonna maʼdanni 285 metr balandlikka olib chiqish imkonini beruvchi, qiyalik burchagi 37 gradus va umumiy uzunligi 1802 metr bo‘lgan tik-qiya konveyeri (KNK-270) foydalanishga topshirilishi kon-metallurgiya tarixida olamshumul yangilik bo‘ldi. Ushbu konveyerning foydalanishga topshirilishi konda rudani transportlarda tashish masofasini 4,5 kilometrga, ko‘tarish balandligini esa 285 metrga qisqartirishga erishildi. Konveyer ishlatilishining iqtisodiy samarasi 101 milliard so‘mni tashkil qildi
1977 yilda “Muruntov” konida markaziy gamma-aktivlashtirilgan tahlil laboratoriyasi ishga tushirildi. Mazkur laboratoriya ishga tushirilganidan boshlab 24 mln dan ortiq namunalar tahlil qilindi.
1977 yilda “Muruntov” konida markaziy gamma-aktivlashtirilgan tahlil laboratoriyasi ishga tushirildi. Mazkur laboratoriya ishga tushirilganidan boshlab 24 mln dan ortiq namunalar tahlil qilindi.
Konning markaziy gamma-aktivlashtirilgan tahlil laboratoriyasi noyob texnologiyalarga asoslangan. Hozirgi kunda laboratoriyada kuniga bitta tezlatgichda 3,5 mingdan ortiq namuna tahlil qilinmoqda. Laboratoriyada qisqa muddat 17 soniya ichida rudadagi oltin tarkibini aniqlab berish imkoniyati mavjud. Dunyodagi hech bir fizik laboratoriya bu hajmda tahlil o‘tkazish imkoniyatiga ega emas.
