Муродова гулчеҳра азамат қизи яссавий ижодининг XV-XIX асрлар ўзбек адабиётига таъсири филология фанлари диссертацияси

Тадқиқот натижаларининг ишончлилиги ўзбек адабиётшунослигида Имодиддин Насимий ижодининг ўрни ва мавқеи назарий манбалар ёрдамида атрофлича очиб берилганлиги ҳамда шу асосда унинг шеърияти ўзбек ижодкорлари учун ўзига хос бир мактаб вазифасини ўтаганлиги, мумтоз шеърий шаклларнинг мазмуний-услубий янгиланишларга эришгани, миллий адабиётимизни ғоявий-бадиий жиҳатдан юксалтиргани бой далилий материалларга таянган ҳолда чуқур тадқиқ этилганлиги билан белгиланади.
Тадқиқот натижаларининг илмий ва амалий аҳамияти. Тадқиқотнинг илмий хулосалари ўзбек адабиёти ғоявий-бадиий такомилида адабий алоқаларнинг, яъни Насимий ижодидан таъсирланиш доирасини ва мумтоз адабиёт ривожига таъсирини аниқлашга имконият яратади. Мумтоз шоирларимиз Атоий, Лутфий, Гадоий, Ҳофиз Хоразмий, Алишер Навоий, Қул Убайдий, Машраб, Мунис ва Огаҳийлар ижодида Насимий ғояларининг бадиий ифодаси, адабий алоқалар билан боғлиқ масалаларга аниқлик киритилганлиги эса мумтоз адабиётдаги жанрларнинг мазмуний янгиланганлиги ва такомиллашганлигини белгилашда муҳим аҳамият касб этади.
Тадқиқот натижаларининг амалий аҳамияти ўзбек ва озар адабий алоқаларининг узоқ тарихга эга эканлиги, бу икки халқ тили, дини, эьтиқоди, адабиёти ва ғоялари яқин бўлган қардош халқ эканлигини ҳамда шоирлари бир-бирларидан таъсирланиб ижод этишларининг ижтимоий-психологик омиллари, поэтик усуллари ва тил воситаларини кенг илмий тасаввур қилиш, яъни Насимий шеърияти ва ўзбек шоирлари ўртасидаги муносабатларни шакллантиришда ижодкор билими ва маҳорати бўйича мукаммал илмга эга бўлишга имконият яратганлиги билан белгиланади.

1^Ўзбекистон Республикаси Президентининг «Ўзбекистон Республикаси Вазирлар Маҳкамаси ҳузурида Ўзбекистондаги Ислом маданияти марказини ташкил этиш чора-тадбирлари тўғрисида» 2017 йил 23 июндаги ПҚ-3080-сон қорори.

2