Murakkab sharoitlarda neft va gaz quduqlarini qazish

Burg’ilash quvurlar birikmasini jamlash va ishlatish. Burg‘ilovchi, og‘irlashtirilgan, yetakchi quvurlarni va ularni bir-biriga bog‘lovchi elementlarni ishga tayyorlash quvur bazasida maxsus texnologik sxema yordamida amalga oshiriladi.

Bu sxema asosida burama rezbasidan saqlagichning extiyot qismlarini yechish, rezbalarni tozalash va uning sifatini nazorat qilish, quvurlarning qalinligi va kamchiligini aniqlash, qulfli quvurlarni yig‘ish, burg’ilash qulflarining ehtiyot qismlarini mustahkamlash kabi ishlar bajariladi. Burama rezbali quvurlarni tekshirishda silliq va rezbali kalibrlardan foydalaniladi. Shuningdek 1, 2, 3 ва 4 turdagi burg’ilash quvurlarini ishga tayyorlashda quvurlarga burg’ilash qulfining ehtiyot qismlari selektiv ravishda tanlanadi. Tanlangan burg’ilash qulfining muftasi (nippell) maxsus pechda 380-4500S haroratda qizdirilib, issiq holatda burg’ilash quvuriga ulanadi. Burama rezbasi ehtiyot qismlariga ulashdan oldin yaxshilab moylanadi. Burg’ilash qulfining ehtiyot qismlari sifatli tanlanganda va qulfning ehtiyot qismlarini quvurga birlashtirishda burama rezbasining germetikligini tekshirish shart emas.

1 va 2 turdagi burg’ilash quvurlarining mustahkamligini oshirish uchun nippel va muftani quvurga ulashdan oldin ularni maxsus tayyorlangan belbog‘ quvurga kiydirilib g‘ildirak taxminan 300-350 °S haroratda qizdirib tekshiriladi.