Murakkab sharoitlarda neft va gaz quduqlarini qazish

4.1-rasm. Yetakchi burg‘ilash quvurlarining ko‘rinishi

Uchlari tashqi tomonga o‘rnatilgan burg‘ilash quvurlari butun uzunligi bo‘yicha bir xil ichki diametrga ega bo‘ladi. Burg‘ilash quvurlari birikmasi orqali pastga harakatlanadigan yuvish eritmalari bosimlarini yo‘qotilish darajasi kamayadi. Bu quvurlar ham mufta va burg‘ilash qulflari bilan biriktiriladi. Ular ham oxiri ichiga o‘rnatilgan burg‘ilash quvurlari bilan bir xil uzunlikka ega. Hozirda diametri 0,60, 0,73, 0,89, 0,114 va 0,140 m li bo‘lgan quvurlar ishlab chiqariladi. Avvallari bu quvurlar elektrobur usulida quduq burg‘ilashda qo‘llanilgan. Ushbu usul bilan burg‘ilashda quvurlarning butun uzunligi bo‘yicha keng va bir xil aylanish ariqchasi bo‘lishi ta’minlanadi. Bu esa tok uzatuvchi simlarni tartibga solib yig‘ishga va yuvish eritmalarining yaxshi harakat qilishiga imkon beradi.

Bundan tashqari, bu quvurlar turbinali burg‘ilashda ham keng qo‘llaniladi. Oxiri payvandlangan qulfli burg‘ilash quvurlari butun quvur uzunligi bo‘yicha bir xil o‘tish ariqchasiga ega. Ularni ulash uchun katta qulfli rezbadan foydalaniladi.

Oxiri payvandlangan qulfli burg‘ilash quvurlari. Payvandlangan qulfli quvurlarning o‘lchamlarini ma’lumotlardan foydalanish mumkin.

Burg‘ilash jarayonida uzunligi 25 metrli svechadan ham foydalaniladi. Bunday sharoitlarda burg‘ilash ishlari qulay bo‘lgani uchun balandligi 41 metrli burg‘ilash minoralari qo‘llaniladi. Burg‘ilash quvurlarining uzunligi 6,8 va 11,5 metr qilib tayyorlanadi. Shuning uchun har bir svechani uzunligi 6 metr bo‘lgan 4 ta, uzunligi 8 metr bo‘lgan 3 ta va uzunligi 11,5 metr bo‘lgan 2 ta quvurdan yig‘ish mumkin. Uzunligi 6 metr bo‘lgan to‘rtta burg‘ilash quvurini yig‘ish jarayonida ularning ikkitasi mufta yordamida ulanadi. Uzunligi 8 metr bo‘lgan uchta burg‘ilash quvurlarini yig‘ishda esa bitta yoki ikkita ulovchi muftalardan va bitta burg‘ilash qulfidan foydalaniladi. Uzunligi 11,5 metr bo‘lgan quvur burg‘ilash qulfi yordamida biriktiriladi.