Murakkab sharoitlarda neft va gaz quduqlarini qazish

Gaz, neft va suv alomatlari (GNSA). Parmalash qorishmasi gaz va neft bilan to‘yinishiga, eritmani quduqning og‘zidan toshib chiqishiga, qabul qilish idishlarida aylanma qorishma hajmini ortishiga qorishmani rotordan yuqoriga otilishiga qatlam flyuidini preventorning gazootvodlari orqali otilishiga, preventorlarning yopiq holatida ustunda yoki otvodda bosimni oshishiga gaz, neft va suv alomatlari deyiladi. Gaz, neft va suv alomatlari ma’lum sharoitlarda ochiq favvoraga aylanishi mumkin.

Ochiq favvora deb, quduqning og‘zida berkituvchi moslamaning yo‘qligi, buzilishi, nozichligi yoki grifon hosil bo‘lishi sababli quduqning og‘zidan boshqarib bo‘lmaydigan qatlam flyuidlarining oqib chiqishiga aytiladi.

Grifon deb, konduktor orqasidan tabiy va sun’iy kanallar orqali nazorat qilib bo‘lmaydigan gaz, neft va suvni oqimini yuzaga chiqishiga aytiladi.

Otqin. Qisqa vaqt ichida qatlamdagi siqilgan gazning quvvati bilan burg‘ulash qorishmasining bir qismini yoki butun hajmini, ayrim hollarda burg‘ulash asbobning siqib chiqarilishiga otqin deyiladi.