Muqobil energiya manbalari

1. Fanning oliy ta’limdagi o‘rni hamda maqsadi va vazifalari
Talabalarga mazkur fanni ushbu dastur bo‘yicha o‘qitish, bo‘lajak mutaxassisning kelajakdagi faoliyatida elektrotexnik uskunalar, elektr qurilmalari va asboblari hamda apparatlari bilan qanday darajada bog‘liq bo‘lishiga qarab, ta’lim yo‘nalishlarining o‘quv rejalarida ko‘rsatilgan ma’ruza, amaliy va laboratoriya darslari ajratilgan auditoriya soatlariga qarab belgilanadi. Fanni o‘qitish shu yo‘nalishga ixtisoslashgan kafedra qarori bilan tasdiqlangan holda kelishilgan ishchi dastur asosida olib boriladi.
Fanning vazifasi ─ uni o‘rganuvchilarga:
─ elektr zanjirlari, elektr mashinalari, elektronika asoslari bilan tanishish va ularning mohiyatini bilishni talab qiladi. Turli laboratoriya ishlari yordamida fizik jarayonlarni elektrotexnika nuqtai-nazaridan o‘rganiladi va nazariy bilim o‘z tasdig‘ini topadi. Bu yo‘nalishlar bo‘yicha malakaning oshishiga yordam beradi va ma’lum darajada ko‘nikma hosil qiladi;
─ o‘zining bo‘lajak kasbining mohiyati va ijtimoiy ahamiyati;
─ fanning asosiy muammolari;
─ elektr zanjirlaridagi jarayonlarni tahlil qilish yo‘llari;
─ fan, texnika va texnologiya yutuqlarida elektrotexnika va elektronikadan oqilona foydalanish;
─ elektrotexnik qurilmalar va mashinalar hamda zamonaviy elektronika jixozlari bo‘yicha foydalanish ko‘nikmasi va tajribasiga ega bo‘lish kerak.


2. Fan bo‘yicha talabalarning bilimiga, ko‘nikma va malakasiga
qo‘yiladigan talablar.

“Quyosh energetikasi” o‘quv fanini o‘zlashtirish jarayonida amalga oshiriladigan masalalar doirasida bakalavr:

• 
  bilimlarning bir butun tizimi bilan o‘zaro bog‘liklikda ushbu fanning asosiy muammolari;
  
• 
  o‘zining bo‘lajak kasbining mohiyati va ijtimoiy ahamiyati;
  
• 
  zamonaviy elektr texnologik qurilmalar, ularning texnikaviy-iqtisodiy ko‘rsatkichlari, qurilmalarning ish rejimlari, elektr texnologik qurilmalarni qiyosiy taqqoslash haqida tushunchaga ega bo‘lishi;
  
• 
  elektr texnologik qurilmalarning turlari, ish printsiplari, asosiy qonuniyatlari bilan bog‘liq bo‘lgan nazariy asoslari, ekspluatatsion xarakteristikalari, avtomatik boshqarish tizimlari va ularni elementlari energetik ko‘rsatkichlarini bilishi va ulardan foydalana bilishi;
  
• 
  elektr energiyani issiqlik energiyasiga o‘zgartirish turli rusumdagi elektr texnologik qurilmalarini ishlash printsiplarini bilishi;
  
• 
  sanoati ilg‘or rivojlangan mamlakatlarning olimlari hamda o‘zbek olimlarining elektr texnologik qurilmalari sohasida olib borayotgan ilmiy tadqiqotlari, erishgan yutuqlari va ularning ishlab chiqarishda qo‘llanilishi to‘g‘risida ma’lumotlarga ega bo‘lishlari;
  
• 
  tajriba natijasida olingan ma’lumotlarni o‘lchash ularni xatolarini aniqlash va tahlil qilishni matematik usullarini bilish ko‘nikmalariga ega bo‘lishi kerak.