Mundarija O’quv materiallar 4 Mustaqil ta’lim mashg’ulotlari Glossariy 126 Ilovalar 130 Fan dasturi Fan ishchi o'quv dasturi Tarqatma materiallar Testlar Baholash mezoni O’quv materiallari

Yuksak sifatli televideniye
2011-yilda O‘zbekistonda yangi formatdagi translyatsiyaga bosqichma-bosqich o‘tishga doir aniq maqsadli ishlarning amalga oshirilishi natijasida MDH mamlakatlari orasida birinchi bo‘lib yuksak darajada tiniq ko‘rsatadigan yerdagi televideniye – HDTV ishga tushirildi. Dunyoda televideniyeni rivojlantirishning yangi yo‘nalishi hisoblangan HDTV tasvir va tovushi tiniq teledastur va filmlarni tomosha qilish imkonini beradi. Bugun mamlakatimizda ikkita HD kanali efirga uzatilmoqda. “UzHD” kanali ulardan biridir. Prezidentimiz tashabbusi bilan tashkil etilgan “O‘zbekiston MTRK media-markazi” davlat unitar korxonasi yuqori darajada tiniq bo‘lgan teleko‘rsatuvlarni efirga uzatish bo‘yicha asosiy ishlab chiqarish va texnologik markaz hisoblanadi.
Yuqori texnologiyali uskunalar va maxsus teleradiotexnikadan samarali foydalanish, ularni qo‘llagan holda mediatexnologiyalar asosida keng turdagi sifatli teleradiomahsulotlarni yaratish, shuningdek, televizion muhandis-texnik hamda ijodiy kadrlarni tayyorlash va qayta tayyorlash tizimini tubdan yaxshilash maqsadida Toshkent axborot texnologiyalari universitetida maxsus muhandislarni tayyorlaydigan "Televideniye texnologiyalari" fakulteti tashkil etildi. Poytaxtimizda Respublika televideniye va radio kasb-hunar kollejining ochilishi soha mutaxassislarini tayyorlashni takomillashtirishga xizmat qilayotir.