Mundarija Kirish me’yoriy hujjatlar Atamalar va ta’riflar 4

Respublika ixtisoslashtirilgan onkologiya va radiologiya ilmiy-amaliy markazi Samarqand filiali
Axborot xavfsizligi siyosatiga
Ilova №3.

TIZIM ADMINISTRATORI YO‘RIQNOMASI

1. 
   Umumiy qoidalar
   

1.1. Tashkilot axborot tizimlari bo‘yicha administrator “ET” MT vazifasi doirasida texnik-dasturiy tomondan barcha masalalarni o‘z ichiga olgan mutloq vakolatga ega shaxs bo‘lib, tashkilot “ET” MTda elektron shaklda saqlanadigan yoki uzatiladigan barcha ma’lumotlarning butunligini va maxfiyligini himoya qilish bo‘yicha barcha tashkiliy va texnik choralar
(AX bo‘yicha mas’ul xodim bilan birgalikda) ko‘rishda mas’ul hisoblanadi.
1.2. Tizim administratorligiga tashkilotning “axborot texnologiyalari” yo‘nalishidagi soha vakillari ichidan eng malakali xodim tayinlanadi.
1.3. Amaldagi tizim administratori o‘z vazifasini bajara olmagan (mehnat ta’tili, davolanish, komandirovka va h.k.) holatlarda tashkilot rahbariyati roziligi bilan uning vazifalari axborot texnologiyalari bo‘yicha mutaxassis xodimga vaqtinchalik topshiriladi.

2. 
   Vazifalari
   

2.1. Tizim administratori “ET” MT ish samaradorligini ta’minlash bo‘yicha barcha choralarni ko‘rishi kerak. Tizim administratori server va kompyuterlarga dasturiy ta’minotlar sozlanmalarini qo‘llab-quvvatlashga va texnik jihozlarga dasturiy ta’minot o‘rnatish uchun tavsiyalar berishi kerak.
2.2. Tizim administratori quyidagilarni ta’minlaydi:
- “ET” MT himoyasini tashkil etish va kompyuterlarga ruxsatsiz kirishni oldini olish;
- tarmoqning texnik va tarmoq resurslari mavjudligi;
- tarmoq foydalanuvchilarini ro‘yxatga olish;
- tarmoqqa va axborot resurslariga kirish huquqi vakolatini amalga oshirish;
- foydalanuvchi qaydnomalarini yaratish, foydalanuvchi ish o‘rinlarini ro‘yxatga olish va o‘chirish, “ET” MT tarkibiga kiruvchi tarmoq marshrutizatorlari va serverlar sozlanmalarini to‘g‘riligini testdan o‘tkazish, shuningdek yoqish va o‘chirishni amalga oshirish.

3.