Mundarija kirish i-bоb. Cholg'uda ijro etishni o'rgatishning asosi

Bilim va ko'nikmalarni nazorat qilish va hisobga olish darsi. Bilimlarni nazorat qilish va hisobga olish ishi dars turidan qat'i nazar, o'qituvchi tomonidan har bir mashg'ulotda amalga oshirib boriladi. Bunday nazorat o'quvchilarning o'zlashtirish darajasini, o'zlashtirishda qo'llanilayotgan uslublar samarasini belgilash uchun nihoyatda zarur. Muntazam ravishda olib boriladigan nazorat o'quvchilarda o'z faoliyati uchun javobgarlik hissini kuchaytiradi. Nazorat va hisobga olish ishini darsning barcha turlari davomida amalga oshirilishi bilan bir qatorda uni alohida mashg'ulot sifatida o'tkazib turilishi maqsadga muvofiqligi tajribadan ma'lum. Bilimlarni nazorat qilish va hisobga olish ishining tugal ko'rinishi tekshirish bo'lib, u imtihon yoki sinov shaklida bo'lishi mumkin. Bunda o'quvchi ta'limning shu bosqichi uchun belgilangan dasturni ijro etadi hamda berilgan savollar asosida nazariy bilimlarini og'zaki bayon etadi. Imtihon yoki sinov vaqtida o'quvchi yo'l qo'ygan xato va kamchiliklarning sababini aniqlab, ularni bartaraf etish choralarini belgilash o'qituvchining asosiy vazifalaridan biridir.