Mundarija kirish 3-7

Applikatsiya. Bolada applikatsiya mashg‘ulotlariga nisbatan qiziqishni rivojlantirish. Bolaga uchi to‘mtoq qaychini to‘g‘ri ushlash va ishlatishni, avval enli, so‘ngra ensiz tasmachalar qirqishni, tasmachalardan turli shakllar tuzib (daraxt, butoq v.b.), qog‘oz sathiga elimlashni o‘rgatish.

Kvadratning burchaklarini yumaloqlash yo‘li bilan doira (olma, gilos, pufak); to‘g‘ri to‘rtburchakdan tuxumsimon (oval) shakl qirqish (sabzavotlar, mevalar, gullar v.b.); kvadratni diagonal bo‘ylab qirqish yo‘li bilan uchburchak (archa o‘yinchoqlari, bayroqcha), trapetsiya hosil qilish uchun qiya kesish (qayiq), doirani teng ikkiga buklab qirqish yo‘li bilan yarim doira hosil qilish va ulardan 2-

3. 
   ta tayyor shaklli narsalar (gullar) tuzish, elimlash va bezash. Qirqish va yopishtirish malakalarini mustahkamlash.
   

SHakliga va rangiga ko‘ra geometrik shakllarni (doira, kvadrat, oval) va o‘simliklar (gullar, yaproqlar)ni navbatma-navbat qo‘yish yo‘li bilan 2-3 qismli yaxlit naqsh hosil qilish va qog‘oz sathiga elimlashni o‘rgatishda davom etish.

Bolani jamoa tarkibida ishlashga, jamoaviy ish (Gulzordagi kapalaklar)ni bunyod etishga, jamoa bo‘lib qaychisiz applikatsiya yasashga o‘rgatish.

Noan’anaviy applikatsiya ya’ni bo‘rttirilgan usuldan (gulqog‘ozdan, rangli iplardan) foydalanish; qog‘ozga turlicha ishlov berish (qog‘ozni g‘ijimlash, yirtib olish, qalam bilan shakl berish) orqali applikatsiya yasash. Naqsh, syujet va narsa timsollarida o‘z taassurotlarini gavdalantirishga harakat qilish.