Mundarija kirish 2

Davlat byudjetidan 2022 yilda iqtisodiyotga ajratilishi rejalashtirilayotgan xarajatlar 24,3 trln. so‘mni yoki yalpi ichki mahsulotga nisbatan 2,9 foizni tashkil etib, jami xarajatlarning 11,3 foizini tashkil etadi.
Iqtisodiyot xarajatlari tarkibida asosan quyidagilar uchun mablag‘lar ko‘zda tutilmoqda:
suv xo‘jaligi ekspluatatsiyasi xarajatlari 4 723,4 mlrd.so‘m; sug‘oriladigan yerlarning meliorativ holatini yaxshilash 463,8 mlrd.so‘m; geologik qidiruv ishlari 1 000,0 mlrd.so‘m;
aholi punktlarini obodonlashtirish ishlarini amalga oshirish

2 863,0 mlrd.so‘m;

issiqlik ta’minoti korxonalari uchun aholiga tariflarni past narxlarda ushlab turish natijasida ko‘rilgan zararni qoplash uchun subsidiyalar ajratishga 884,8 mlrd.so‘m mablag‘lar (2021 yil tasdiqlangan byudjetga nisbatan oshishi Toshkent shahrida issiqlik ta’minoti tizimini davlat-xususiy sheriklik asosida modernizatsiya qilish va boshqaruvga berilishi bilan tushuntiriladi) ajratilishi rejalashtirilgan.
2022 yilda obodonlashtirish sohasi tashkilotlari soni 223 tani tashkil etib, qo‘shimcha 10 mingta shtat birliklari ajratilishi munosabati bilan ularda 64,3 mingdan ortiq shtat birliklari faoliyat yuritishi hamda qo‘shimcha ajratilgan shtat birliklarini saqlash xarajatlariga 286,0 mlrd.so‘m qo‘shimcha byudjet mablag‘lari ajratilishi rejalashtirilmoqda.
Shu jumladan obodonlashtirish sohasi tashkilotlarining 2022 yilgi ish haqi va unga ajratmalar uchun 2 032,3 mlrd.so‘m pul mablag‘lari ajratilishi rejalashtirilayotgan bo‘lib, 2021 yilda ajratilishi kutilayotgan mablag‘larga nisbatan 50,5 foizga ko‘p.
Bundan tashqari, sohani rivojlantirish hamda hududlarni obodonlashtirish ishlari uchun qo‘shimcha 285 ta maxsus texnika va mexanizmlar xaridiga 117 mlrd.so‘m mablag‘lar qo‘shimcha ajratilishi rejalashtirilmoqda.
Shuningdek, 2022 yilda ham ichki xo‘jalik yo‘llarini ta’mirlash xarajatlari uchun 290,2 mlrd.so‘m pul mablag‘lari ajratilishi hamda 2021 yilda ajratilishi kutilayotgan mablag‘larga nisbatan 106,2 foizni tashkil etishi rejalashtirilmoqda.
2022 yilda ham Uy joy kommunal xizmat ko‘rsatish vazirligi va vazirlik
tizimidagi tashkilotlar soni 17 tani tashkil etishi va ularda 1 415 ta shtat birliklari faoliyat yuritishi hamda sohaning joriy xarajatlari uchun 2 139,9 mlrd.so‘m ajratilishi rejalashtirilmoqda.