Mundarija kirish 2

Bolalar nafaqasi va moddiy yordam oluvchilar soni, o‘rtacha yillik, ming oila

Joriy yil sentyabr oyidan boshlab 14 yoshgacha bolalari bo‘lgan oilalarga nafaqa hamda bola 2 yoshga to‘lguniga qadar uni parvarish qilish nafaqasi o‘rniga kam ta’minlangan oilalarga bolalar nafaqasi joriy etildi. Bunda, bolalar nafaqasini tayinlashda inobatga olinadigan bolalar yoshi 14 yoshdan 18 yoshgacha oshirilib, to‘lov muddati 6 oydan 12 oygacha oshirildi hamda uning miqdorini oiladagi bolalar sonidan kelib chiqib belgilash tartibi joriy etildi.
Shuningdek, yakka-yolg‘iz bo‘lgan fuqarolarga, farzandi bo‘lmagan yoki barcha farzandlari 18 yoshdan katta bo‘lgan kam ta’minlangan oilalarga moddiy yordam tayinlash tartibi joriy etildi.
Bundan tashqari, aholini qo‘llab-quvvatlash, pul to‘lanadigan jamoatchilik ishlariga, tadbirkorlikka keng jalb etish asosida bandlikni ta’minlash maqsadida Jamoatchilik ishlari jamg‘armasi orqali 2022 yilda 300 mlrd. so‘m, Bandlikka ko‘maklashish davlat jamg‘armasi orqali 940 mlrd. so‘m, Xotin- qizlar va oilani qo‘llab-quvvatlash davlat maqsadli jamg‘armasi orqali 91 mlrd. so‘m ajratilishi ko‘zda tutilmoqda.


Ipoteka kreditlari orqali aholini uy-joy bilan ta’minlashni yanada takomillashtirish:
Ipoteka kreditlari orqali aholini uy-joy bilan ta’minlash, uy-joy sharoitlarini yaxshilashga muhtoj oilalarni ijtimoiy va moliyaviy qo‘llab- quvvatlash, xususiy pudrat tashkilotlarini uy-joy qurilishi sohasiga keng jalb etish bo‘yicha shart-sharoitlar yaratish maqsadida xalqaro tajribani inobatga olgan holda quyidagilarni amalga oshirish taklif etiladi:

1. 
   Ipoteka kreditlari bo‘yicha subsidiya to‘lanadigan fuqarolarni tanlab olish, subsidiya taqdim etish to‘g‘risidagi xabarnomalarni berish hamda subsidiyalar to‘lash jarayonlarini to‘liq avtomatlashtirish.
   

Bu orqali, subsidiya to‘lanadigan fuqarolarni tanlab olish hamda subsidiya taqdim etish to‘g‘risidagi xabarnomalarni berish jarayonlarining muddatini yetti kungacha qisqartirish maqsad qilingan.

2. 
   “O‘zbekiston ipotekani qayta moliyalashtirish kompaniyasi” AJ faoliyatini yanada kengaytirish. Bunda, ipoteka bozorini uzoq muddatli resurslar bilan ta’minlash maqsadida Kompaniya tomonidan korporativ va ipoteka obligatsiyalari chiqarishni yo‘lga quyish. Shuningdek, bozor tamoyillariga asoslangan ipoteka kreditlari orqali aholini uy-joy bilan ta’minlashning yangi tartibi doirasida ipoteka kreditlari uchun uzoq muddatli mablag‘larni Kompaniya orqali tijorat banklariga joylashtirish. Buning natijasida, ipoteka krediti bozorida uzoq muddatli resurslar ta’minoti uchun yirik moliyaviy institut faoliyatini yo‘lga qo‘yish maqsad qilingan.
   

2022 yilda O‘zbekiston Respublikasi Prezidentining 2019 yil 28 noyabrdagi PF-5886-sonli Farmoni bilan joriy etilgan bozor tamoyillariga asoslangan ipoteka kreditlari orqali aholini uy-joy bilan ta’minlashning yangi tartibi doirasida 48,3 mingdan ortiq uy-joylar qurilishi rejalashtirilmoqda (shu jumladan aholini alohida toifalari uchun).
Daromadi yuqori bo‘lmagan va uy-joy sharoitlarini yaxshilashga muhtoj fuqarolarga ipoteka krediti bo‘yicha dastlabki badal va foizlarning bir qismini qoplash uchun O‘zbekiston Respublikasi Davlat byudjeti mablag‘lari hisobidan 1,8 trln. so‘m subsidiyalar to‘lab beriladi.
Mazkur mablag‘lar hisobidan 2022 yilda jami 62,8 minga yaqin fuqarolarga kompensatsiya hamda ipoteka kreditlarining foiz to‘lovlarining bir qismi qoplab berish uchun to‘lovlar amalga oshiriladi.
Iqtisodiyot xarajatlari