Mundarija kirish 1 bob. “O'tgan kunlar'' romanida milliy qadriyatlarning badiiy

I BOB. “1 bob. “O'TGAN KUNLAR'' ROMANIDA MILLIY QADRIYATLARNING BADIIY

1.1. “SEVGI UCHBURCHAGI” TUSHUNCHASINING MOHIYaTI VA MANTIG’I

Faylasuflardan biri hayot raqamlar asosiga qurilganini izohlagan va olamdagi barcha hodisotlarda albatta raqamlar mavjudligini ta’kidlagan edi. Hatto insonlar o’rtasidagi munosabatlarda ham, hissiyotlarning ob’ekti masalasida ham raqamlar ishtirokisiz so’z yuritib bo’lmaydi. Ba’zan munosabatlar geometriyasi bizga shunchaki oddiy tuyuladi, biroq u qadar jo’n emas. Ideal muhabbat uchun ikkita shaxs bo’lmog’i lozim. Lekin nozik, inja tuyg’ular oddiylikni yoqtirmaydi hamda kimdir o’zganing hayotiga suqulib kiradi-da, sevgida uchburchak paydo bo’ladi¹³. Nega “sevgi uchburchagi” an’anaviy holatga aylangan?
Dunyo yaralibdiki, Odam Ato va Momo Havo davridan buyon kelayotgan odatlar mavjud. Ularning ikki o’g’illari Qobil, Hobil va Iqlimoy o’rtasida ziddiyat tug’iladi. Negaki, Iqlimoyni Qobilga to’y qilib bermoqchi bo’lganlarida Hobil jinoyatga qo’l uradi, o’z qondoshini o’ldirib qo’yadi. Insoniyat tarixidagi birinchi jinoyat ayol tufayli, sevgi va rashk tufayli bo’lgan. Aytish kerakki, “sevgi uchburchagi” hayotning dastlabki bosqichlaridayoq paydo bo’lgan.