Мундарижа I боб. “Кўп тармоқли фермер хўжалигини ташкил этиш ва бошқариш” фанининг предмети, мақсади ва вазифалари 10

16.4. Ўзбекистон Республикасида кўп тармоқлик фермерлик фаолиятини ривожлантириш бўйича олиб борилаётган чора-тадбирлар

Фермерлик ҳаракатини янада барқарор ривожлантириш, уларнинг иқтисодий ва молиявий мустақиллигини мустаҳкамлаш мақсадида Ўзбекистон Республикаси Президентининг 2012 йил 22 октябрдаги ПФ-4478 -сонли “Ўзбекистонда фермерлик фаолиятини ташкил қилишни янада такомиллаштириш ва уни ривожлантириш чора-тадбирлари тўғрисида” Фармони қабул қилинди, унга мувофиқ фермерлик ҳаракатини ташкил қилиш ва бошқариш тизими такомиллаштирилди. Хусусан, Ўзбекистон Фермер хўжаликлари уюшмаси, Фермер ва деҳқон хўжаликларини қўллаб-қувватлаш жамғармаси тугатилиб, Ўзбекистон Фермерлар кенгаши, Қорақалпоғистон Республикаси, вилоятлар ва туманларнинг фермерлар кенгашлари ташкил этилди. Ўзбекистон Фермерлар кенгаши ташкил этилганидан кейин мамлакатимизда тузилган 13 вилоят, 157 туман фермерлари кенгашларини энг илғор фермер хўжаликлари раҳбарлари бошқармоқда. 2017 йилданбошлаб Ўзбекистон Республикаси фермер хўжалиги деҳқон хўжалиги ва томорқа ер эгалари кенгайтириш,янги иш ўринларини яратиш, экспорт фаолиятини кенг йўлга қўйиш ҳисобига қўшимча даромад олиш имкони беради.
Республиканинг умумжаҳон хўжалик тизимига босқичма-босқич, дадил кириб боришиаграр соҳанинг барқарорлиги, самарадорлиги ва янги иқтисодий муносабатларнинг жорий этилиши ҳамда фермер хўжаликларини устувор ривожлантириш мамлакат келажагини белгилаш ва унинг иқтисодий қудратини оширишда муҳим роль ўйнайди. Пировардида, “...қишлоқ хўжалигида олиб бориладиган ўзгаришларнинг асосий вазифаси қишлоқ хўжалиги ишлаб чиқаришини ташкил этиш, қишлоқ хўжалиги экинлари ҳосилдорлиги ва чорвачилик маҳсулдорлигини ошириш негизида маҳсулот етиштириш ҳажмининг изчил ўсиб боришини таъминлашнинг асосий шакли бўлган фермерлик институтини янада мустаҳкамлаш ва ривожлантириш бўлади.”⁴⁹ Бу эса, мамлакатимиз қишлоқ хўжалигида мавжуд муаммоларни ижобий ҳал қилиш қишлоқ хўжалиги махсулотлари рақобатбардошлиги ва экспортини ошишириш ва валюта тушумини кўпайтириш; бозор инфратузилмаси шахобчалари фаолиятини ривожлантириш; янги иш ўринлари очиш ва қишлоқда аҳоли бандлиги ҳолатининг яхшиланишига замин яратади. Кўп тармоқли фермер хўжаликларини ривожлантиришнингасосий йўналишлари ва уни амалга ошириш механизмлариқуйидаги 16.4.1-жадвалда берилган.