Мундарижа I боб. “Кўп тармоқли фермер хўжалигини ташкил этиш ва бошқариш” фанининг предмети, мақсади ва вазифалари 10

Янги иш ўринларини ташкил этиш. Фермер хўжаликларида меҳнат муносабатлари, Вазирлар Махкамасининг 30.10.2003 йилдаги 476-сонли қарори билан тасдиқланган фермер хўжалиги ходимларини ёллаш тўғрисидаги Намунавий шартномаси билан тартибга солинади.Фемер хўжалигида меҳнат шартномаси ёлланма ходимлар билан тузилади.Меҳнат шартномасини тузишда зарур ва қўшимча шартлар кўрсатиб ўтилади.Кўп тармоқли фермер хўжаликларида қишлоқ хўжалик маҳсулотларини қайта ишлашда иш билан таъминланишининг афзалликлари қуйидагилардан иборат. Аҳоли бандлигини таъминлашда фермер хўжаликлари билан биргалиқда ишлаб чиқариш, қайта ишлаш корхоналарини ва ижтимоий инфратузилма тизимини ривожлантириш орқали қишлоқ жойларида иш билан бандлик муаммосини ижобий ҳал этиш учун кенг имкониятлар яратади.Янги иш ўринларини ташкил этиш, бандликни таъминлаш ва аҳоли даромадларини ошириш иқтисодий ислохотларининг устувор вазифаларидан бири бўлиб келмоқда. Лекин, шу билан бирга қишлоқ хўжалиги меҳнат бозорида иш билан бандликни таъминлаш бўйича қуйидаги муаммолар мавжуд: иқтисодиётнинг норасмий секторида иш билан бандлар салмоғининг юқорилиги; иш билан бандликнинг ошиши кўп жиҳатдан беқарор иш ўринларини яратиш ҳисобига, хусусан, юридик шахс мақомига эга бўлмаган тадбиркорлик соҳасида фаолият кўрсатаётганлиги; ишсизлик кўламлари сақланиб қолганлиги; малакали ишчи кучига бўлган талаб ва таклиф орасидаги номувофиқликнинг мавжудлиги.
Юқоридаги мавжуд муаммоларни ҳал қилишда яқин келажакда қўйидаги вазифаларни бажариш кераклиги кщзда тутилади: аҳолининг иш билан бандлик даражасини ошириш, айниқса қишлоқ аҳолиси ҳамда меҳнат бозорида етарли даражада рақобатбардош бўлмаган ижтимоий-демографик гуруҳларнинг иш билан бандлик даражасини ошириш; билан бандликнинг тармоқ ва ҳудуд таркибини такомиллаштириш; меҳнат бозорида талаб ва таклифнинг миқдор ва сифат (касб-малака) жиҳатдан мутаносиблигини таъминлаш; ишчи кучининг сифатини, касбий ва ҳудудий ҳаракатчанлигини ошириш бўйича ходимланинг малакасини ошириш жойларда қисқа муддатда ўқитиш, семинар трениглар ўтқазиб келинаётганлиги ҳам аҳолининг бандлик даражасини оширишга хизмат қилади.
Шундай қилиб, қишлоқ жойларида кўп тармоқли фермер хўжаликларини жадал ривожлантирилса, аҳоли банлигини янада ошишига ва унинг натижасида аҳолининг фаровонлиги юксалишига эришилади.