Мундарижа I боб. “Кўп тармоқли фермер хўжалигини ташкил этиш ва бошқариш” фанининг предмети, мақсади ва вазифалари 10

3.4.Фермер хўжаликлари ер майдонларини оптималлаштиришнинг мазмуни ва истиқболлари

Фермер хўжаликларига ажратилган ер майдонларининг ҳажми камлиги туфайли ишлаб чиқариш самарадорлигини оширишга тўсқинлик қилаётгани инобатга олиб, ер майдонларни тўлиқ инвентаризациядан ўтказиш ва фермер хўжаликлари фаолиятини танқидий баҳолаш асосида уларнинг ер майдонларини муқобиллаштириш ишларини олиб боришга тўғри келди. Дастлаб, фермер хўжаликлари ихтиёрида бўлган ер майдонларини мақбуллаштириш орқали фермер хўжаликлари фаолиятини янада самарали юритиш мақсадида Ўзбекистон РеспубликасиПрезидентининг 2008 йил 6 октябрдаги “Фермер хўжаликлари тасарруфидаги ер участкаларини мақбуллаштириш чора-тадбирлари бўйича таклифлар ишлаб чиқиш мақсадида махсус комиссияни ташкил қилиш тўғрисида”гиФ-3077-сонли Фармойиши қабул қилинди.
Мақбуллаштиришнинг асосий мақсади-фермер хўжалиги ихтисослашган ҳолатда, меъёрий кадастр ўлчами ва контрлар бўича фаолият юритиши, моддий-техника ресурслар билан таъминланиш, тармоқларни қўшиб олиб бориш, алмашлаб экишни ташкил этиш, аҳолини иш билан таъминлаш, хўжаликни ижтимоий-иқтисодий ривожлантириш учун ихчам бошқарувга ва даромад манбаини оширишдан иборат.
Натижада 2016 йилда республикамиздаги фермер хўжаликларининг сони 101070 тадан 160372 тагача ёки 1,6 бараваргакўпайтирилди, бунда бир фермер хўжалигига тўғри келувчи ўртача ер майдони ҳажмини 35,8 гектардан 22,3 гектаргача камайтиришга эришилди. Бугунги кунда ўртача бир фермер хўжалигига тўғри келган ер майдони ҳажми 2015 йилганисбатан (35,8 гектар) 1,6 баробарга камайиб, 22,3 гектарга етди. Ўртача бир фермер хўжалигига тўғри келадиган ер майдонларини тармоқлар бўйича олиб қарайдиган бўлсак, бу кўрсаткич пахтачилик ва ғаллачиликда 55,2 гектарга, сабзавотчиликда ва полизчиликда 4,0 гектарга, боғдорчилик ва узумчиликда 2,8 гектарга, чорвачиликда 29,3 гектарга тенг бўлганлигини 3.4.1-жадвалда кўриш мумкин.
3.4.1-жадвал.
Фермер хўжаликларининг ер майдонларини мақбуллаштириш натижасида ўртача ер майдони ҳажмининг ўзгариши