Мундарижа банк иши

 
5. Хулоса ва таклифлар. 
Банклар томонидан депозитларни бошкариш жараёнида депозит бозоридаги 
мавжуд вазият ва депозит бозори тахдилидан келиб чиққан ҳолда айтишимиз 
мумкинки, банкнинг молиявий барқарорлигини таъминлашда банклар томонидан ишлаб 
қилган ҳамда амалиётга жорий этилаётган депозит сиёсатининг асосий мақсад ва 
вазифалари қуйидагиларда ўз ифодасини топади: 
- банкнинг молиявий барқарорлигини таъминлаш; 
- ресурсларни мақбул муддатлар, шартлар ва баҳоларда жалб қилиш; 
- банк актив ва пассивларини самарали бошқариш орқали банкнинг барқарор 
ресурс базасини мустаҳкамлаш; 
- депозитларга хизмат кўрсатган ҳолда банк даромади ва барқарорлигини 
оширишга эришиш; 
- аҳолига янги, жозибадор ва ўзаро манфаатли омонат турларини таклиф қилиш 
орқали аҳолининг жамғариш ҳамда инвестициялаш жараёнидаги фаоллигини 
рағбатлантириш. 
Фикримизча, тижорат банклари депозит базасини кенгайтириш мақсадида банклар 
томонидан самарали депозит сиёсатини ишлаб чиқишда қуйидагиларнинг эътиборга 
олиниши зарур ҳисобланади: 
депозит баҳосига таъсир қиладиган омилларни ҳисобга олиш ҳамда маълум 
тамойилларга таянган ҳолда энг мақбул фоиз ставкасини белгилаш; 
тижорат банкларининг маркетинг ишларини олиб бориш асосида банк депозит 
сиёсатини доимий такомиллаштириб бориш;
доимий равишда депозитлар бозорни ўрганиш ва таҳлил қилиб бориш; 
банк мутахассислари билан омонатчилар ўртасидаги суҳбатларнинг натижали 
андозаларини жорий этиш; 
депозитларни қабул қилиш жараёнини мижозлар учун юқори даражада 
қулайлаштириш; 
ходимларнинг иш сифати ва натижаларига кўра, маънавий ва моддий 
рағбатлантириш каби самарали усуллардан фойдаланиш лозим. 
Шуни айтиш жоизки, тижорат банклари ўз депозит сиёсатини амалга оширишда 
Марказий банк томонидан ўрнатилган иқтисодий меъёрлар ҳамда мажбурий захиралар 
бўйича белгиланган ставкалар, қайта молиялаш ставкаси ҳамда солиқ қонунчилигидаги 
ўзгаришлар, 
молиявий 
бозордан 
маблағарни 
жалб 
қилиш 
ҳамда 
уларни 
жойлаштиришнинг жорий ҳолати ва тенденциялари каби омилларни ҳам инобатга 
олиши мақсадга мувофиқ ҳисобланади. 
Ўйлаймизки, тижорат банклари томонидан депозит сиёсатини ишлаб чиқишда 
юқоридаги таклифларнинг инобатга олиниши келгусида банк депозит базасининг 
кенгайишига ҳамда банкнинг барқарор фаолият юритишига кенг имконият яратади.