Мундарижа 1

Детал конструкциясининг технологиклиги таҳлили

4591.001русумли «Вал» детали Пўлат 40ХН материалидан тайёрланади. Валнинг максимал диаметри 100 мм бўлиб умумий узунлиги эса 276 мм ни ташкил этади. Деталнинг массаси 11,4 кг. Детал тузилиши жиҳатдан айланиш детали бўлиб, асосан токарлик, фрезалаш ва пармалаш дастгоҳларида ишлов берилади.

Деталга ишлов бериш иккала ён юзаларга ва марказ тешикларига ишлов беришдан бошланади. Бунинг учун, йирик серияли ишлаб чиқаришларда фрезалаш марказлаш яримавтоматларидан фойдаланилади. Кейин деталга хомаки ва тозалаб токарлик ишлов бериш амалга оширилади. Бу операцияни бир дастгоҳда бажариш зарур чунки деталнинг массаси катта уни қайта ўрнатиш кўп вақт ва меҳнат талаб қилади. Бироқ йирик деталларга ишлов берувчи дастгоҳларнинг аниқлиги талаб қилинаётган аниқликни таъминлай олмаслиги мумкин. Шу сабабли хомаки ишлов беришни бир дастгоҳда, тозалаб ишлов беришни бошқа дастгоҳда амалга ошириш мақсадга мувофиқ ҳисобланади.
Детал ўлчамларининг катталиги ва массасининг оғирлиги унга ишлов бериш меҳнатталаблигини ошириб юборади.
Деталда очилиши зарур бўлган шпонка ариқчалари бир ўкда жойлашганлиги уларга бир ўрнатишда ва бир дастгоҳда ишлов бериш имконини яртади. Шпонка ариқчалари Rz20 юза тозалигида ишлов берилиши талаб этилган. Бу талабни бажариш учун юзаларга икки марта ишлов бериш зарур. Бу ўз навбатида механик ишлов бериш таннархини ошишига олиб келади, ваҳоланки шпонка ариқчаларини Rz40 юза тозалигида тайёрлаш ҳар етарли бўлади. Деталнинг аосий юзаларига 6, 7 ва 9 квалитетларда ишлов бериш талаб этилган. 6 квалитетдаги 85, 79,6 ва 85n6 учта юзага жилвирлаб ишлов бериш зарур, бунинг учун бу юзалар айлана жилвирлаш дастгоҳларида ишлов берилади. Деталнинг барча жилвирланадиган юзаларига бир вақтда ишлов бериш учун маҳсус агрегатли жилвирлаш дастгоҳини яратиш талаб қилинади.
Деталнинг ўнг ва чап томондаги ён юзасида тешикни ҳосил қилиш буюрилган. Унга ишлов бериш учун горизонтал пармалаш дастгоҳидан фойдаланиш талаб этилади.
Деталнинг материалининг қаттиқлиги HRC 45…55 оралиқда бўлиши талаб қилинади. Бу талабни бажариш учун деталга тоблаш ва ўртача температурада бўшатиб термик ишлов бериш зарур.
Детал ўлчамларининг кўрсатилмаган чегаравий четланишлари IT14/2 бўлиши талаб қилинган.