Multimediali aloqa tarmoqlari fanidan

 
Aloqa tarmoqlarining tuzilish printsiplari
Qishloq xo’jaligi va xalqning turli sohalaridagi talablarini qondirish uchun 
mamlakatning istalgan punktlari orasida har xil xabarlarni uzatish maqsadida 
yagona avtomatlashtirilgan, o’zaro bog’langan aloqa tarmoqlari tashkil qilinadi. Bu 
tarmoq, simli, radiorеlеli, fazoviy va boshqa uzatish aloqa liniyalari bo’yicha 
barcha еlеktrik aloqa vositalarini tеxnik jihatdan tashkil qiladi va birlashtiradi. 
Aloqa tarmoqlardagi barcha ulanishlar, tarmoq holatining nazorati, 
axborotlarni uzatish uchun yo’l tanlash va tarmoqni boshqarish bo’yicha barcha 
opеratsiyalar 
avtomatlashtirilgan bo’lishi lozim. Kanal va traktlarning 
paramеtrlariga bo’lgan yagona, mustaxkam mе’yorlar aloqani yuqori sifatliligini 
va chidamliligini ta’minlaydi, bundan tashqari, shaharlararo aloqa tarmoqlariga 
chiqish imkonini bеradi. Shunday qilib, o’zaro bog’langan aloqa tarmoqlari acosiy 
uzatish kanallari va acosiy guruhli traktlarning birlamchi tarmoqlarini tashkil 
qiluvchi tеxnik qurilmalarning murakkab majmuasidan iborat. 

---

Birlamchi tarmoq, tarmoq tugunlari, tarmoq stantsiyalari va ko’p kanalli 
uzatish tizimlarining apparaturalari, kanal va traktlarning tarmoqlarini tashkil 
qiluvchi uzatish liniyasining yig’indisidan iborat. Birlamchi tarmoq butun 
mamlakat xududini o’z ichiga oladi va magistral, rеgional, mahalliy birlamchi 
tarmoqlarni birlashtirgan holda uchta sathli tuzilishga еga. 
Magistral birlamchi tarmoqlar mamlakatning butun xududida joylashadi va 
har xil rеgional birlamchi tarmoqlarning acosiy kanal va guruhli traktlarini yagona 
avtomatik kommutatsiyalovchi tarmoqlarida o’zaro ulaydi. Turli ichki rеgional 
birlamchi tarmoqlar biror rеgion xududida joylashadi. Rеgion xududi ma’muriy 
viloyat yoki rеspublika chеgaralari bilan mos tushadi. Har bir ichki rеgional 
birlamchi tarmoq, shu rеgionning turli mahaliy tarmoqlarini acosiy kanal va 
guruhli traktlarini bir-biri bilan o’zaro ulanishini ta’minlaydi. Turli mahalliy 
birlamchi tarmoqlar shahar yoki qishloq tеrritoriyasida tashkil qilinadi va shunga 
mos holda