Мультимодал юк ташишни ташкил этишнинг тазимли таҳлили мундарижа

Мультимодаль юк ташиш усули– бу бир юкнинг ўзини ҳар хил турдаги транспорт воситалари орқали юкларни ташишдан иборат. Фойдаланиладиган транспорт турлари ҳар қандай комбинацияларда: автомобиль, темир йўл, денгиз ва авиатранспортларнинг ўзаро уйғунлигида қўлланилиши мумкин.
Ҳозирги кунга келиб дунё давлатлари бевосита ушбу тизимни кенг жорий қилган ҳолда мультимодаль юк ташишлар асосида катта юк партияларини ўртача ва узоқ масофаларга етказиб беришнинг энг қулай ва кенг тарқалган шаклларни қўлламоқдалар. Юкларни етказиб бериш бундай усулининг энг асосий устунлиги турли юк ташиш воситалари афзалликларидан, уларни оқилона уйғунлаштириш орқали, максимал равишда фойдаланишдан иборатдир.
Мамлакатимизда барча соҳаларда амалга оширилаётган изчил ислоҳотлар жараёнида транспорт-коммуникация тизимини жадал ривожлантириш, тармоқнинг моддий-техник базасини янада мустаҳкамлаш, замонавий технологиялар билан жиҳозлашга алоҳида эътибор қаратилаётир.
Мультимодаль юк ташиш тури бу – турли транспорт воситаларини жалб этган ҳолда юкларни турли манзилларга етказишни билдиради. Ҳар бир юк транспорти учун тайёрланадиган ҳужжатларнинг бир шаклга келтирилиши ва маълумотларнинг умумлашуви маҳсулот юборувчи ва олувчи учун янада кенг имконият яратади. Бу соҳа маҳсулотни етказиб беришнинг энг қулай ва кенг тарқалган шакли ҳисобланади.
Мамлакатимиздаги мавжуд логистика марказларида транспорт, муҳандислик-коммуникация ва ижтимоий инфратузилмани янада такомиллаштириш, юкларни автомобиль ва контейнерларда ташиш борасида яратилган тизимни янада ривожлантириш ҳамда улардан кенг кўламда фойдаланиш борасида амалий чора-тадбирлар кўрилаётир.
Хулоса ўрнида айтиш жоизки, транспорт юк ташувларини ташкил этишда мултимодал усулини жорий қилиш орқали ҳудудларимизда яратилаётган барча товарларни сифатли ҳолда ташқи бозорларга етказиб беришда муҳим пойдевор вазифасини ўтайди ҳамда ушбу усулни жорий қилиш асносида логистика марказлари фаолияти самарадорлиги ортишига хизмат қилади. Транспорт юк ташувларини ташкил этишда мультимодаль усулини жорий қилиш минтақалар ўртасида экспорт ва импортни янада рағбатлантиришга замин яратади.