Muhayyoxon hamidova

VII. TALABALARNING MUSTAQIL ISHLARINI BAHOLASHNING UMUMIY MEZONLARI

Talabalar mustaqil ta’limini baholash mezonlari tegishli kafedralar tomonidan fan (modul)lar xususiyatini inobatga olgan holda ishlab chiqiladi va fakultet ilmiy kengashida tasdiqlanadi.
Har bir fan (modul) bo’yicha mustaqil ish topshiriqlarini baholash mezonlari talabalarga semestrning boshida taqdim qilinadi.
Talabalarning fan (modul) bo‘yicha mustaqil ish topshiriqlarini baholash berilgan muddatga muvofiq amalga oshiriladi.
Mustaqil ishga qo‘yiladigan ball umumiy ballning 20 (yigirma) foizidan kam bo’lmasiligi lozim.
Talaba(lar)ning fan(modul) bo‘yicha mustaqil ta’lim natijalari elektron platforma va guruh jurnaliga butun sonlar bilan qayd qilinadi.
Fanlar kesimida talabalarning mustaqil ishlari bo‘yicha o‘zlashtirish muntazam ravishda talabalar guruhlarida, kafedra yig‘ilishlarida hamda har o‘quv yilida kamida ikki marta fakultet Ilmiy Kengashida muhokama etib boriladi.

VIII. YAKUNIY QISM

Mazkur uslubiy ko`rsatma Fakultet Kengashida tasdiqlanib, imzolanganidan so‘ng amaliyotga joriy etiladi.

Ko`rsatmaga joriy tuzatish va o‘zgartirishlar kiritib borish mumkin.

Baholash mezonlariga har o’quv yilida mustaqil ta’lim uchun ajaratilgan ball o’zgarishini inobatga olib, baholash tartibiga o’zgartish va qo’shimchalar kiritish mumkin.
IX. TAVSIYALAR


Mustaqil ishlashda quyidagilarga amal qiling!
1. Uyga berilgan vazifa ustida ishlashdan avval bu ishni bajarishdan ko`zlangan maqsad, uning mazmuni, mohiyati nimada ekanligini shartli ravishda o`zingiz uchun shakllantirib oling. Mustaqil ishni bajarishda uni shunchaki bajarish (topshiriqni bajarish, muammoni hal etish)dan ko`ra oldindan qo`yilgan maqsad sari intilish maqsadga muvofiqdir.
2. Oldinga qo`yilgan maqsad sari harakat qilishda turli topshiriqlarni, mashqlarni bajarishda o`zingizni sinab ko`rish uchun yana bir necha qo`shimcha amallarni bajaring.
3. Shundan so`ng darslikka e’tiborni qaratib, amallarni nazariy materiallar talabiga javob berishni tekshirib ko`ring. Alohida ahamiyatli qismlariga katta e’tibor bering.
4. Kitobdagi nazariy materialni o`qib, savollarga javob bering, qo`shimcha adabiyolardan foydalaning.
5. Mavzuga oid yozma ish bajaring:
- axborot-resurs markazidan qo‘shimcha adabiyot oling;
- mavzuning qoralamasini tayyorlang;
- yozma ish rejasini tuzing;
- nazariy material bilan yozma ishni qiyoslang.