Muhandislik grafikasi

1.10. Tekislikning proeksiya tekisliklariga nisbatan turli vaziyati

Tekislik proeksiya tekisliklariga nisbatan umumiy va xususiy vaziyatda joylashishi mumkin.

Umumiy vaziyatdagi tekisliklar proeksiya tekisliklariga nisbatan qiya joylashgan bo‘ladi. 1.25-shaklda berilgan tekislik umumiy vaziyatdagi tekislikka misol bo‘ladi. Bu tekislik proeksiya tekisliklari bilan kesishib izlar uchburchagini (_x,_y,_z) hosil qiladi.

Xususiy vaziyatda joylashgan tekisliklar proeksiya tekisliklariga nisbatan parallel yoki perpendikulyar joylashgan bo‘ladi.

Agar tekislik proeksiya tekisliklaridan birortasiga perpendikulyar bo‘lsa, bu tekislik proeksiyalovchi tekislik deyiladi.