Muhandislik -geologik tadqiqotlar

27. LABORATORIYA  VA KAMERAL  ISHLAR. GEOLOGIK XARITA 
VA  QIRQIMLARI. MUHANDISLIK GEOLOGIK HISOBOT 
27.1. Laboratoriya  va kameral  ishlar 
Laboratoriya  ishlari  muhandislik  -  geologik  qidiruv  tadqiqotlar  davrida  
olingan  suv,  yaxlit  jinslarni  tajriba  yo’li  bilan  aniqlashdan  iborat.  Bunday    ishlar 
maxsus  muhandislik  –  geologik  laboratoriya,  markaziy    laboratoriyalarda,  ba’zan 
dalalarda olib boriladi. 
Laboratoriyada  –  gruntlarning  granulometrik  tarkibi,  fizik  xossalaridan:  
hajmiy  massasi,  zichlik,  tabiiy  namligi,  gilli  gruntlarga  xos  bo’lgan  
xususiyatlardan:  ivishi,  bo’kishi,  plastikligi,  ichki  ishqalanish  burchagi,  
yonuvchanligi,  siljishga  qarshiligi,  siqiluvchanligi  va  yer  osti  suvlarining  
ximiyaviy tekshirishlari kiradi. 
Tajribaviy  ishlar  gruntlarni  tarkibi  va  fizik  –  mexanik  xususiyatlari  
buyicha klassifikatsiyasini aniqlashtiradi, turli hisob ishlarida kerak   bo’ladi. 
Kameral  ishlar  dalada  va  laboratoriyada  aniqlangan  natijalarni  jamlab  
ularni  tahlil  qilishdan  iboratdir.  Jumladan:  muhandis  -  geologik    xaritalar, 
qirqimlar, kolonkalar, jadvallarni tuzish.  
Gruntlarning  fizikaviy  -  mexanikaviy  xususiyatlarining  sonli    ko’rsatgich-
larini,  rejim  kuzatishlarini,  jinslarning  darzbardoshligini  va    boshqa  ko’rsatgich-
larni matematik ishlash shu jumladan EHM larda hisoblash. 
Turli  hisobiy  ishlar  -  masalan  gruntlarning  hisobiy  mexanikaviy  
ko’rsatgichlarni hisoblash. 
Muhandislik  -  geologik  tadqiqotlar  tugatilgandan  so’ng  geologik  hisobot   
tuziladi.