Muhammad al-Xorazmiy nomidagi Toshkent axborot texnologiyalari universiteti Farg‘ona filiali professor-o‘qituvchi va ishchi-xodimlari odob-axloqining qoidalari

NIZOM


1-bob. Umumiy qoidalar

1. Ushbu nizom Muhammad al-Xorazmiy nomidagi Toshkent axborot texnologiyalari universiteti Farg‘ona filialida (keyingi o‘rinlarda – Filial ) Odob-axloq, mehnat nizosi va korrupsiyaga qarshi kurashish komissiyasi (keyingi o‘rinlarda - Komissiya) faoliyatini tartibga soladi.

2. Komissiya Filial xodimlari tomonidan Muhammad al-Xorazmiy nomidagi Toshkent axborot texnologiyalari universiteti Farg‘ona filiali xodimlari odob-axloqining qoidalari (keyingi o‘rinlarda – Odob-axloq qoidalari)ga, Muhammad al-Xorazmiy nomidagi Toshkent axborot texnologiyalari universiteti Farg‘ona filiali xodimlarining ichki mehnat tartibi qoidalari (keyingi o‘rinlarda – Ichki mehnat tartibi qoidalari)ga, Muhammad al-Xorazmiy nomidagi Toshkent axborot texnologiyalari universiteti Farg‘ona filialining korrupsiyaga qarshi kurashish siyosati (keyingi o‘rinlarda – Korrupsiyaga qarshi kurashish siyosati)ga rioya etishini nazorat qilish, ularning axloq normalariga zid bo‘lgan xatti-harakatlarining oldini olish va odob-axloq qoidalariga rioya etish bilan bog‘liq holatlar va nizolarni ko‘rib chiqish maqsadida tuzilgan.
3. Komissiya o‘z faoliyatini O‘zbekiston Respublikasining Konstitutsiyasi va qonunlariga, “Davlat fuqarolik xizmati to‘g‘risida”gi O‘zbekiston Respublikasining Qonuniga, O‘zbekiston Respublikasi Oliy Majlisi palatalarining qarorlariga, O‘zbekiston Respublikasi Prezidentining farmon, qaror va farmoyishlariga, Vazirlar Mahkamasining qarorlari va farmoyishlariga, Odob-axloq qoidalariga, Ichki mehnat tartibi qoidalariga, Korrupsiyaga qarshi kurashish siyosatiga, ushbu Nizomga, Filialning ichki idoraviy hujjatlariga va boshqa qonun hujjatlariga muvofiq amalga oshiradi.
4. Komissiya Komissiya raisi, kotibi va a’zolaridan iborat bo‘lib, umumiy soni besh nafardan kam bo‘lmasligi va toq sonda bo‘lishi lozim.
Komissiya tarkibiga tajribali, mehnat jamoasida obro‘-e’tiborga sazovor bo‘lgan Filial xodimlari kiritiladi.
Komissiya tarkibi Filial buyrug‘i bilan tasdiqlanadi va doimiy ravishda faoliyat yuritadi.
Komissiya tarkibiga komissiya tomonidan qabul qilinadigan qarorlarga ta’sir ko‘rsatishi mumkin bo‘lgan manfaatlar to‘qnashuvi ehtimolini nazarda tutgan holda o‘zgartirish kiritiladi.