Мухаммад ал-хоразмий номидаги тошкент ахборот технологиялари университети

5350200 – Телевизион технологиялар (“Аудиовизуал технологиялар”, “Телестудия тизимлари ва иловалари”) таълим йўналиши негизидаги:

• 
  5А350201-Мультипликацион фильмлар технологиялари
  

магистратура мутахассислигига кирувчилар учун махсус (ихтисослик) фанларидан
Д А С Т У Р


Аннотация
Дастур 5А350201 - Мультипликацион фильмлар технологиялари магистратура мутахассислигига кирувчилар учун 5350200 – Телевизион технологиялар (“Аудиовизуал технологиялар”, “Телестудия тизимлари ва иловалари”) таълим йўналишининг 2016/2017 ўқув йилида тасдиқланган ўқув режасидаги асосий фанлар асосида тузилган.


Тузувчилар:
Мухамадиев А.Ш. – ТАТУ “Аудиовизуал технологиялар” кафедраси мудири, ф.-м.ф.н., доцент.
Бекназарова С.С. – ТАТУ “Аудиовизуал технологиялар” кафедраси профессори, т.ф.д., доцент.

Дастур Телевизион технологиялар факультетининг 2020 йил 23 июндаги № 10 сонли кенгаши йиғилишида муҳокама қилинган ва тасдиқлашга тавсия этилган.

КИРИШ
5350200 – Телевизион технологиялар (“Аудиовизуал технологиялар”, “Телестудия тизимлари ва иловалари”) бакалавриат таълим йўналиши – фан ва техника соҳасидаги йўналиш бўлиб, у аудио, видео, кино ва телевизион махсулотлари ишлаб чиқариш, контентларга ишлов бериш, сифатини оширишга, соҳа истиқболини белгилашга, касбий кўникма, мутасаддилик қобилиятига йўналтирилган инсон фаолиятининг воситалари, усуллари ва услубларининг мажмуасини қамраб олади.
Таълим йўналиши негизидаги мутахассисликнинг вазифаси – талабалар билимини чуқурлаштириш ва рақамли телевидениеда ва кинода овоз ва тасвирни ёзиб олиш, қайта ишлаш, сақлаш, чоп этиш, ёритишни лойиҳалаштириш ва бошқаришга оид дастурлар, уларнинг математик, ахборот ва дастурий таъминотига оид муҳандислик масалаларини ечиш, илмий жиҳатдан таҳлил қилиш, алгоритмик ва дастурий таъминотини яратиш, технологик ечимларни ишлаб чиқиш бўйича ҳамда илғор педагогик технолигиялардан фойдаланган ҳолда билимларни ошириш ва кўникма ҳосил қилишдан иборатдир.
5350200 – Телевизион технологиялар (“Аудиовизуал технологиялар”, “Телестудия тизимлари ва иловалари”) бакалавриат таълим йўналиши негизидаги 5А350201 - Мультипликацион фильмлар технологиялари магистратура мутахассислигига кирувчи талабалар учун таълим йўналиши ўқув режасига асосан 2 та ихтисослик фанлари: “3D моделлаштириш ва рақамли анимация” ва “Рақамли контентлар учун махсус эффектлар” бўйича тест саволлари шакллантирилган. Бу фанлар ўз ичига қамраб олган маълумотлар қуйида батафсил келтирилган.