Муҳаммад ал-Хоразмий номидаги Тошкент ахборот технологиялари университети “Ахборот хавфсизлигини таъминлаш” кафедраси талабаси Сайдуллоев Достонбек Рустам ўғлининг

Муҳаммад ал-Хоразмий номидаги Тошкент ахборот технологиялари университети “Ахборот хавфсизлигини таъминлаш” кафедраси талабаси Сайдуллоев Достонбек Рустам ўғлининг “Windows операцион тизимида маълумотларни руҳсатсиз фойдаланишдан ҳимоялаш дастурини яратиш” мавзусидаги бакалавр битирув ишига
Р А Ҳ Б А Р Ф И К Р Н О М А С И
Bugungi kunda AKT ning iqtisodiyotning va ijtimoiy hayotning barcha sohalariga joriy qilinishi, uning turmush farovonligi va qulayligidagi tutgan o’rni, ish samaradorligini oshirishdagi ahamiyati oshib borishi mas‘ul idoralar oldiga bu yo’nalishdagi say-harakatlarni yanada jadallashtirish vazifasini qo’ymoqda. O’zbekiston Respublikasi Prezidenti Shavkat Mirziyoyev boshchiligida ishlab chiqilgan O‘zbekistonni rivojlantirishning beshta ustuvor yo‘nalishi bo‘yicha Harakatlar strategiyasining 5 bandining ayni xavfsizlik, millatlararo totuvlik va diniy bag‘rikenglikni ta’minlash, chuqur o‘ylangan, o‘zaro manfaatli va amaliy ruhdagi tashqi siyosat yuritish masalalariga yo‘naltirilganligi ham ushbu kunda axborot xavfsizligi masalasining davlatimiz mustaqilligi va suverenitetini mustahkamlash, O‘zbekistonning yon-atrofida xavfsizlik, barqarorlik va ahil qo‘shnichilik muhitini shakllantirish, mamlakatimizning xalqaro nufuzini mustahkamlashda muhim masala ekanligining yaqqol isbotidir[1].
Davlatning axborot xavfsizligini ta’minlash muammosi milliy xavfsizlikni ta’minlashning asosiy va ajralmas qismi bo‘lib, axborotni muhofaza qilish esa davlatning birlamchi masalalariga, davlat siyosati darajasiga aylanmoqda.
Shuningdek, konfidensial axborotni ruhsatsiz foydalanishga urinishlarning oshib borayotgani ulardan himoyalanish dasturiy vositalarini ishlab chiqishga bo’lgan talabni oshirmoqda. Bu esa o’z navbatida OTda konfidensial axborotni ruhsatsiz chiqib ketishidan himoyalash vositalarining tadqiqi tog’risidagi ushbu bitiruv malakaviy ishning naqadar dolzarb ekanligini belgilaydi.
Bitiruv ishi kirish, 3ta bob, xulosa, foydalanilgan adabiyotlar ro’yhatidan iborat.
Birinchi bobda Windows operatsion tizimi haqida umumiy ma’lumotlar keltirilgan, axborotni muhofaza qilish va foydalanish huquqining cheklash usul va vositalarining tahlili keltirilgan.
Ikkinchi bob ma’lumotlarni ruhsatsiz foydalanishdan himoyalash masalalariga qaratilgan bo’lib, unda mavjud shifrlash algoritmlarining solishtirma tahlili keltirilgan, malumotlarni ruhsatsiz foydalanishdan himoyalash dasturining algoritmi yaratilgan va dasturi tuzib chiqilgan.
Uchinchi bobda xayot faoliyati xavfsizligini taminlash masalasiga qaratilgan bo’lib, unda xavfsizlik texnikasi asoslari, ishlab chiqarish binolarini yoritish kabi masalalar ko’rib chiqilgan va ekologik axvol va ekologik vaziyat to’g’risida tushunchalar yoritilgan.
Талаба Сайдуллоев Достон Рустам ўғли битирув ишини бажариш давомида ўзини юқори даражада техник билимга эга, янги материалларни тез ўзлаштира олувчи ва янгиликка интилувчан талаба сифатида кўрсата олди.
Умуман олганда “Windows операцион тизимида маълумотларни руҳсатсиз фойдаланишдан ҳимоялаш дастурини яратиш” мавзусидаги битирув ишига қўйиладиган талабларга тўлиқ жавоб беради, битирувчининг ўзи эса 5330500 - «Компютер инжиниринг (Ахборот хавфсизлиги)» йўналиши бакалавр даражасини беришга лойиқ деб ҳисоблайман.

Муҳаммад ал-Хоразмий номидаги Тошкент ахборот технологиялари университети “Ахборот хавфсизлигини таъминлаш” кафедраси ассистенти

С.Ш.Муминова