Mtt da folklyor san'atining o'rni va ahamiyati.(Xorazm viloyati kesimida “tayyorlov guruh” uchun ijro dasturi) Mavzusidagi malakaviy ishi

2. Tayyorlov guruhi haqida ma‘lumot.

Maktabgacha ta’lim tashkilotlarida maktabgacha yoshdagi bolalarni xalq og’zaki ijodi vositasida axloqiy tarbiyalash mavzusini atroflicha o’rganish va tashkil etishda mashg’ulotlarda foydalanish bo’yicha ishlab chiqilgan metodikaning afzalligini aniqlash maqsadida pedagogik tajriba Sh.Rashidov tumani maktabgacha ta’lim bo’limiga qarashli “Shirintoy ” oilaviy nodavlat maktabgacha ta’lim tashkilotining tayyorlov A va B guruhlarida o’tkazildi.

Tajriba 3 bosqichda amalga oshirildi.

Birinchi bosqich aniqlovchi tajriba o’tkazildi. Bunda maktabgacha ta’lim tashkilotlarida maktabgacha yoshdagi bolalarni xalq og’zaki ijodi vositasida axloqiy tarbiyalash yuzasidan kuzatish ishlari olib borildi, natijalar tahlili qilindi.
Bunda tashqi kuzatish, suhbat, savol-javob (1- ilovaga qarang) metodidan foydalanildi:
Tanlangan mavzu bo’yicha tarixiy, falsafiy, psixologik, pedagogikaga oid ilmiy nazariy adabiyotlar o’rganildi tahlil etildi.
Ikkinchi bosqich tajriba sinov ishlari olib borildi. Bu bosqichda biz maktabgacha yoshdagi bolalarni xalq og’zaki ijodi vositasida axloqiy tarbiyalash bo’yicha ishlab chiqilgan ish mazmuni, uni amalga oshirish metodlari sinab ko’rildi. Ishlab chiqilgan metodikani tajribadan o’tkazishda tajriba va nazorat guruhlari ajratib olindi. Tajriba va nazorat guruhlarida ish bir hil sharoitda amalga oshirildi.
Tajriba guruhi – Xorazim viloyati Shovot tumaniga qarashli 4- son maktabgacha ta’lim tashkilotining tayyorlov A guruhi: Guruhda jami: 30 nafar bola bo’lib, 10 nafari o’g’il bolalar, 20 nafar qiz bolalar.
Tanlangan guruhimizdagi bolalarning ma’naviy-estetik jixatdan saviyalari deyarli bir-biriga o’xshash.
Biz buni bizning bergan savollarimizga bergan javoblaridan va kuzatishlarimizdan aniqlab oldik.
maktabgacha yoshdagi bolalarni xalq og’zaki ijodi vositasida axloqiy tarbiyalash o’ziga xos o’rni, ahamiyatini yuqorida nazariy asosladik.