Moliyaviy va boshqaruv tahlili pv doc

Debitorlik qarzlari	Summa, ming so‘m	Kreditorlik qarzlari
Summa, ming so‘m
1	2	3	4
xodimlarga berilgan bo‘naklar (4200)	-	ajratilgan bo‘linmalarga qarz (6110)	400
1	2	3	4
xodimlarning boshqa operatsiyalari bo‘yicha qarzi (4700)	-	soliq va majburiy to‘lovlar bo‘yicha kechiktirilgan majburiyatlar (6240)	6721
sho‘ba va qaram xo‘jalik jamiyatlarining qarzi (4120)	1299	olingan bo‘naklar (6300)	-
ta’sischilarning ustav kapitaliga ulushlar bo‘yicha qarzi (4600)	-	sug‘urtalar bo‘yicha qarz (6510)	-
ajratilgan bo‘linmalarning qarzi (4110)	-	maqsadli davlat jamg‘armalariga to‘lovlar bo‘yicha qarz (6520)	-
mol yetkazib beruvchi va pudratchilarga berilgan bo‘naklar (4300)	-	ta’sischilarga bo‘lgan qarzlar (6600)	-
maqsadli davlat jamg‘armalari va sug‘urtalar bo‘yicha bo‘nak to‘lovlari (4500)	-	mehnatga haq to‘lash bo‘yicha qarz (6700)	-
boshqa debitorlik qarzlari (4800)	67282	boshqa kreditorlik qarzlari (6950 dan tashqari 6900)	25039
Jami	136116	Jami	127554
kreditorlik qarzlarining debitorlik qarzlaridan ortiqchaligi	-	debitorlik qarzlarining kreditorlik qarzlaridan ortiqchaligi	8562
BALANS	136116	BALANS	136116

Yuqoridagi jadval ma’lumotlari asosida xo‘jalik subyektining debitorlik va kreditorlik qarzlari balansini tahlil qilib chiqishimiz mumkin bo‘ladi. Ma’lumotlardan ko‘rinadiki, o‘rganilayotgan davrda korxonada jami debitorlik qarzlari 136116 ming so‘m bo‘lgan bo‘lsa, jami kreditorlik qarzlar esa 127554 ming so‘mni tashkil etgan. Ya’ni debitorlik qarzlari kreditorlik qarzlaridan 8562 ming so‘mga ko‘p bo‘lgan. Bu nisbatan ijobiy hol bo‘lib hisoblanadi. Debitorlik qarzlarining asosiy qismi «budjetga soliq va yig‘imlar bo‘yicha bo‘nak to‘lovlari» 60609 ming so‘mni va «boshqa debitorlik qarzlari» 67282 ming so‘mni tashkil etmoqda. Bu shundan dalolat beradiki, korxonada to‘lov intizomi ancha yaxshi yo‘lga qo‘yilgan bo‘lib, ayniqsa, davlat budjeti oldida qarzdor bo‘lib qolmaslik uchun soliq va yig‘imlar bo‘yicha bo‘nak to‘lovlarini o‘z vaqtida o‘tkazib borishga erishgan.
Kreditorlik qarzlari tarkibiga ham e’tibor beradigan bo‘lsak, majburiyatlarning asosiy salmog‘ini «mol yetkazib beruvchi va pudratchilarga qarzlar» tashkil etmoqda. Bu esa aksiyadorlik jamiyati o‘zining mol yetkazib beruvchilari oldidagi majburiyatlarini yetarli darajada amalga oshirmayotganligidan dalolatdir. Demak, korxona ushbu majburiyatlarni qisqartirish choralarini ko‘rish lozim bo‘ladi. Boshqa kreditorlik qarzlari esa 25039 ming so‘mni tashkil qilmoqda.
Debitorlik va kreditorlik majburiyatlari tengligi 136116 ming so‘mni tashkil etgan. Shundan sof debitorlik majburiyatlari summasi 8562 ming so‘mni tashkil etgan.
Umuman olganda, jami debitorlik qarzlarining kreditorlik qarzlaridan ortiqcha ekanligi korxona uchun birmuncha ijobiy deb baholanadi. Chunki undirib olishi lozim bo‘lgan qarzi to‘lashi kerak bo‘lgan qarzidan ko‘pdir.
Tahlilda muddati uzaytirilgan debitorlik va mudati kechiktirilmaydigan kreditorlik majburiyatlarining yuzaga kelishiga alohida ahamiyat beriladi. Chunki, muddati o‘tkazib yuborilgan majburiyatlar korxona moliyaviy ahvolining mushkullashishi va moliyaviy barqarorligining buzilishiga olib keladi. Bu, o‘z navbatida, korxonaning to‘lov layoqati buzilishiga sabab bo‘ladi.