Moliyaviy hisob va hisobat

6.15-jadval
Korxona buxgalteriya hisobida kseroksni hisobdan chiqarish aks ettirilishi

T/r	Xo‘jalik operatsiyalarining mazmuni	Summa, ming so‘m	Debet	Kredit
1.	Kseroksning boshlang‘ich qiymatini hisobdan chiqarish	1200	9210	0150
2.	Hisoblangan eskirishni hisobdan chiqarish	960	0250	9210
3.	Kseroksning qayta baholash saldosini hisobdan chiqarish	100	8510	9210
4.	Kserokning buzilishidan ko‘rilgan talafot (zarar)ni aks ettirish	340	5910 9430	9210 5910
5.	Olingan zarar summasini moliyaviy natijalarga hisobdan chiqarish	340	9910	9430

Asosiy vositalarni tugatish to‘g‘risidagi dalolatnoma (AV-4-son shakl) va transport vositalarini tugatish to‘g‘risidagi dalolatnoma (AV-4a-son shakl) ikki nusxada tuziladi, korxona, tashkilot rahbari tomonidan tayinlangan komissiya a’zolari tomonidan imzolanadi va korxona, tashkilot rahbari tomonidan tasdiqlanadi. Birinchi nusxasi buxgalteriyaga beriladi, ikkinchi nusxasi asosiy vositalar obyektlarining saqlanishi uchun javobgar bo‘lgan shaxsda qolib, hisobdan chiqarish natijasida qolgan moddiy boyliklar yoki temir-tersakni omborga topshirish va sotish uchun asos bo‘ladi. Transport vositasini hisobdan chiqarishda buxgalteriyaga dalolatnoma bilan birgalikda O‘zbekiston Respublikasi Ichki ishlar vazirligining Yo‘l harakati xavfsizligi xizmati organlarida hisobdan chiqarilganligini tasdiqlaydigan hujjat ham taqdim qilinadi.