Moliyaviy hisob va hisobat

6.13-jadval
Korxona kompyuterni hisobdan chiqarishini aks ettirish

T/r	Xo‘jalik operatsiyalarining mazmuni	Summa, ming so‘m	Debet	Kredit
1.	Chiqib ketayotgan asosiy vositaning boshlang‘ich qiymati aks ettirildi	5000	9210	0150
2.	Chiqib ketayotgan AV bo‘yicha eskirish aks ettirildi	4000	0250	9210
3.	AVni tugatishdan olingan yaroqli ehtiyot qismlar qiymati aks ettirildi	160	1040	9210
4.	Chiqib ketayotgan AVni qismlarga ajratuvchi xodimga ish haqi va ijtimoiy sug‘urtaga ajratma hisoblandi	54	9210	6710 6520
5.	AVni tugatishdan olingan moliyaviy natija (zarar) aks ettirildi	894	9430	9210

Hadya shartnomasi asosida asosiy vositalar obyektlarini tekinga berish asosiy vositalarni qabul qilish-topshirish dalolatnomasi, hisobvaraq-faktura bilan rasmiylashtiriladi.

Tekinga berilgan asosiy vositalar qiymatini hisobdan chiqarish qabul qilayotgan tashkilotning ularni buxgalteriya hisobiga qabul qilganligi to‘g‘risidagi yozma xabaridan so‘ng amalga oshiriladi.
Asosiy vositalarni tekinga berish buxgalteriya hisobida “Asosiy vositalarni balansdan chiqarish tartibi to‘g‘risida”gi nizomning 5-paragrafiga va aks ettirilishi kerak.