Moliyaviy hisob va hisobat

6.3-jadval
MChJda uskunani sotib olish muomalalarini aks ettirish

T/r	Muomalalar mazmuni	Summa, ming so‘m	Debet	Kredit
1	Uskuna uchun oldindan to‘lov aks ettirildi	18400	4320	5110
2	Yetkazib berish uchun oldindan to‘lov aks ettirildi	1300	4330	5110
3	Yetkazib berishni hisobga olgan holda uskunaning omborga kelib tushishi aks ettirildi	19700	0710	6010
4	Uskuna uchun oldindan to‘lov summasi hisobga olindi	18400	6010	4320
5	Yetkazib berish uchun oldindan to‘lov summasi hisobga olindi	1300	6010	4330
6	O‘rnatiladigan uskuna montaj uchun berildi	19700	0820	0710
7	Montaj qilish bo‘yicha yordamchi ishlab chiqarish xarajatlari uskuna qiymatiga qo‘shildi	1400	0820	2310
8	Uskunani foydalanishga topshirish aks ettirildi	21100	0130	0820

6.4- jadval
Chet el valyutasida asosiy vositalar sotib olinishini aks ettirish

№	Muomalalar mazmuni	Debet	Kredit
1	Mol yetkazib beruvchiga oldindan to‘lov o‘tkazildi	4320	5210
2	Asosiy vositalar (shartnoma qiymati) O‘zR bojxona hududigacha keltirildi, bojxona rasmiylashtiruvi o‘tkaziladi, BYuDni rasmiylashtirish sanasidagi kurs bo‘yicha	0820	6010
3	Bo‘nakni qayta baholash: manfiy kurs farqi musbat kurs farqi	9620 4320	4320 9540
4	Bo‘nak hisobdan chiqarildi	6010	4320
5	Mol yetkazib beruvchi bilan yakuniy hisob-kitob amalga oshirildi	6010	5210
6	Import qilishda yuzaga keladigan hamda asosiy vosita xarid qiymatiga kiritiladigan bojxona to‘lovlari va boshqa xarajatlar aks ettiriladi	0820	6990
7	Import shartnomasi bo‘yicha olingan asosiy vositalar foydalanishga topshirildi	0100	0820

Misol. Korxona oldin foydalanilgan engil avtomobilni moliyaviy ijaraga olish to‘g‘risida shartnoma tuzdi(2 yil). Avtomobilning boshlang‘ich qiymati 20000ming so‘m. Hisoblangan eskirish 5 000 ming so‘mni tashkil etadi. Ikki yilga ijara haqi shartnomaga ko‘ra avtomobilning qoldiq qiymatiga teng va 15000 ming so‘mni tashkil etadi. Ushbu summa har oy teng ulushda to‘lanishi lozim.

Ijara to‘lovlari bo‘yicha majburiyatlar joriy va uzoq muddalilarga bo‘linadi. Joriy qismi 6950-“Uzoq muddatli majburiyatlar - joriy qismi” schyotida, uzoq muddatlisi esa 7910-“To‘lanadigan uzoq muddatli ijara” schyotida aks ettiriladi. Har oylik ijara haqi 625 ming so‘mni tashkil etadi.
Molyaviy ijara shartnomasiga asosan olingan asosiy vositalar ijarachi tomonidan 0310-“Moliyaviy ijara shartnomasi bo‘yicha olingan asosiy vositalar” schyotida hisobga olinadi. Ularga hisoblangan eskirish 0299-“Moliyaviy ijara shartnomasi bo‘yicha olingan asosiy vositalarning eskirishi” schyotida aks ettiriladi.