Moliyaviy hisob va hisobat

8.1-jadval
Tayyor mahsulotlar xaridorlari va buyurtmachilari bilan hisob-kitoblarning aks ettirilishi

№	Muomalalar mazmuni	Summa	Debet	Kredit
1.	Tayyor mahsulotlar sotishdan olingan daromad aks ettiriladi	600000	4010	9010
2.	QQS hisoblab yozildi	120000	4010	6410
3.	Xaridorlar va buyurtmachilardan to‘lovlar kelib tushdi	720000	5110	4010

Mahsulotni to‘lovni bo‘lib-bo‘lib to‘lash sharti bilan sotish xaridor tovar qiymatini darhol emas, balki shartnomada belgilangan muddatlarda bir necha to‘lovlar bilan to‘lashini bildiradi. To‘lovni bo‘lib-bo‘lib to‘laganlik uchun bitim taraflarining kelishuviga ko‘ra qo‘shimcha to‘lov (bo‘lib-bo‘lib to‘laganlik uchun foiz) belgilangan bo‘lishi mumkin.

Sotuvchi mahsulotni yuklab jo‘natish sanasida foizlar chegirilgan holda sotish narxidan kelib chiqib daromadni tan olishi lozim. Foizlar olinishiga qarab moliyaviy faoliyat bo‘yicha daromad sifatida tan olinishi lozim.
Ta’kidlash lozimki, to‘lovni bo‘lib-bo‘lib to‘laganda ham 15 foizlik bo‘nakning mavjudligi zarur hisoblanib, qarz esa mahsulot yuklab jo‘natilgan kundan boshlab 90 kundan oshmagan muddatda to‘lanishi lozim.
To‘lovni bo‘lib-bo‘lib to‘lash shartlarida mahsulotlarni sotish bo‘yicha buxgalteriya yozuvlari quyidagicha bo‘ladi: