Молиявий таҳлил ва уни ташкил этиш

Инвеститсион таҳлил. Инвеститсион таҳлил – бу инвесторларнинг самарали қарор қабул қилиши учун инвеститсияларни амалга оширишнинг мақсадга мувофиқлигини ишлаб чиқиш, асослаш ва баҳолаш учун бажариладиган методик ва амалий услублар, усуллар мажмуидир.
Мулкчилик шаклидан қатъий назар ҳар битта корхонанинг асосий мақсади фойда олиш ва иқтисодий салоҳиятни ўстиришга қаратилган. Инвеститсиялар ушбу мақсадга эришишнинг воситасидир. Аммо, ҳар бир сармоядорнинг қарорлари муваффақиятли бўлиши учун инвеститсион таҳлил натижаларига асосланган бўлиши лозим.
Тўғри ва ўз вақтида ўтказилган инвеститсион таҳлил қуйидаги вазифаларни ҳал қилиш имконини беради:
- инвеститсияларнинг реал эҳтиёжларини ва инвеститсиялар учун зарур шарт-шароитларнинг мавжудлигини баҳолаш;
- корхонанинг тактик ва стратегик мақсадларини инобатга олган ҳолда сармоявий ечимларини танлаш;
- инвеститсияларнинг ҳақиқий натижаларига, режалаштирилган ёки режадан четга чиқишларга таъсир этувчи барча омилларни аниқлаш;
- инвеститсияларни амалга оширишда инвесторлар учун хавф-хатарларни аниқлаш;
- корхоналарнинг сифат кўрсаткичларини яхшилаш юзасидан инвеститсион мониторингдан кейинги тавсияларни ишлаб чиқиш.
Инвеститсион таҳлилнинг турлари бўйича: капитал қўйилмаларга инвеститсиялар ва молиявий инвеститсиялар таҳлилига ажратилади.
Инвеститсиялар обекти бўйича: тўлиқ корхона таҳлили ва алоҳида инвеститсон жараёнлар таҳлилига бўлинади.
Даври бўйича: инвеститсия олди, жорий, оператив ва инвеститсион фаолиятдан кейинги таҳлилга ажратилади.
Аналитик изланишлар ҳажми бўйича тўлиқ ва тематик таҳлил турларига бўлинади.
Шакли бўйича инвеститсион таҳлил: ички ва ташқи таҳлил турларига ажратилади.
Инвеститсон таҳлил қуйидаги тизимли кетма-кетликда ўтказилади:
- зарур ахборотларни танлаш ва тайёрлаш;
- дастлабки ахборотни қайта ишлаш ва таҳлилий ахборотни шакллантириш;
- аналитик ахборотни талқин қилиш;
- хулоса ва тавсияларни тайёрлаш.
Инвеститсион таҳлил иккита муҳим босқични ўз ичига олади.Уларнинг ҳар бири ўз ичига яна бир неча босқичларни олади:
1-инвеститсион лойиҳанинг самарадорлигини баҳолаш;
2-рискларни баҳолаш.
Инвеститсион таҳлилда молиявий таҳлилнинг горизонтал, вертикал, тренд, қиёслаш, коеффитсиент, интеграл усулларидан фойдаланилади.