Молиявий таҳлил

Молиявий-хўжалик фаолиятни таҳлил этишда фаолият самарадорлиги ва натижавийлигига таъсир этувчи объектив ва субъектив омиллари мавжуд:

СУБЪЕКТИВ (ИЧКИ) ОМИЛЛАР корхонанинг амалий фаолияти бевосита боғлиқликда юқори самарадорликка ва натижавийликка эришиш мумкин бўлган; меҳнатни тўғри ташкил этиш; рағбатлантириш; моддий ресурслардан тежаб фойдаланиш; харажатларни иқтисод қилиш; қувватлардан тўлиқ ва самарали фойдаланиш; тўлов интизомига риоя қилишнинг ўзига боғлиқ бўлган жиҳатлари киради.   ОБЪЕКТИВ (ТАШҚИ) ОМИЛЛАР: корхона фаолиятига мутлақо боғлиқ бўлмаган омиллар; давлат сиёсатининг ўзгариб туриши; бозордаги талаб-таклифнинг ўзгариши; инфляция ва бошқалар.

Молиявий таҳлил фанининг предмети ва объекти

Кўрсаткичлар	Таърифи	Таснифи
Таҳлил предмети	Турли мулкчилик шаклидаги хўжалик юритувчи субъектларнинг молиявий-хўжалик фаолиятини, унинг самарадорлиги ва натижавийлигини кўрсаткичлар тизимида, узвийлик ва алоқадорликда, омилларга боғлиқ равишда турли ахборот манбаларидан фойдаланган ҳолда даврий ўрганиш	Иқтисодий ўзгаришларни очиб бериш
		Эришилган натижаларга тўғри баҳо бериш
		Ишлаб чиқариш самарадорлигини ошириш имкониятларини аниқлаш
		Режа ва бошқарув қарорларини асослаш
Таҳлил объекти	Турли мулкчилик шаклидаги хўжалик юритувчи субъектлар ва уларнинг таркибий бўғинлари (бўлим, цех, бригадалар) фаолияти, иқтисодий натижалари, мулкий-молиявий ҳолати, ишлаб чиқариш, таъминот, сотиш, молиявий фаолияти	Маҳсулот ишлаб чиқариш ва сотиш
		Ресурслардан фойдаланиш
		Ишлаб чиқариш харажатлари ва маҳсулот таннархи
		Молиявий натижалар ва молиявий ҳолат